ଆଠଗଡ, ୧୪।୬(ଡି.ଏନ୍.ଏ.): ୮ ଦିନର ସଂଘର୍ଷ ପରେ ଗୁଳିବିଦ୍ଧ ଦନ୍ତାର ମଙ୍ଗଳବାର ମୃତ୍ୟୁ ଘଟିଛି। ଏ ନେଇ ରେଞ୍ଜର ପ୍ରଫୁଲ୍ଲ କୁମାର ଦେହୁରୀ ସୂଚନା ଦେଇଛନ୍ତି । ଜୟପୁର ଜଙ୍ଗଲରେ ଅସୁସ୍ଥ ହୋଇ ଦନ୍ତା ହାତୀଟି ମୃତ୍ୟୁ ସହିତ ସଂଘର୍ଷ କରୁଥିଲା। ଶେଷରେ ଆଜି ମୃତ୍ୟୁ ହୋଇଛି। ଆଜି ସକାଳେ ଅସୁସ୍ଥ ଦନ୍ତାହାତୀକୁ ଜେସିପି ମାଧ୍ୟମରେ ବେଲ୍ଟ ଲଗାଇ ହାତୀକୁ କଡ଼ ଲେଉଟା ଯାଇ ସାଲାଇନ ସହିତ ଔଷଧ ଇଞ୍ଜେକ୍ସନ ଦିଆଯାଇଥିଲା। ଡାକ୍ତର ଟିମ୍ଙ୍କ ଅକ୍ଳାନ୍ତ ଚିକିିତ୍ସା ପରେ ମଧ୍ୟ ହାତୀକୁ ବଞ୍ଚାଯାଇ ପାରି ନଥିଲା।
ସୂଚନାଯୋଗ୍ୟ,ଗତ କିଛିଦିନ ତଳେ ଜଙ୍ଗଲରେ ହାତୀଟିକୁ ଗୁଳିବିଦ୍ଧ କରାଯାଇଥିଲା । ଦନ୍ତାକୁ ଶିକାରୀ ୬ ରାଉଣ୍ଡ ଗୁଳି କରିଥିଲେ । ଫଳରେ ହାତୀର ଅବସ୍ଥା ଶୋଚନୀୟ ହୋଇପଡିଥିଲା।