ଦାରିଙ୍ଗବାଡି, ୬।୧୧ (ଅରୁଣ ସାହୁ ): କନ୍ଧମାଳ ଜିଲାପାଳ ଅମ୍ରିତ ଋତୁରାଜଙ୍କ ମାଣ୍ଡିପଙ୍କା ଗସ୍ତପରେ ଉକ୍ତ ଅଞ୍ଚଳର ଚିତ୍ର ବଦଳିବା ନେଇ ଲୋକଙ୍କ ମଧ୍ୟରେ ଆଶାସଞ୍ଚାର ହୋଇଛି।। ଜିଲାପାଳଙ୍କ ବିଭିନ୍ନ ବିଭାଗୀୟ ଅଧିକାରୀଙ୍କୁ ମାଣ୍ଡିପଙ୍କା ସମେତ ସମଗ୍ର ଦାରିଙ୍ଗବାଡି ବ୍ଲକରେ ରହିଥିବା ସମସ୍ୟାର ସମାଧାନ ପାଇଁ ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି।ଏହି କ୍ରମରେ ଓଡ଼ଶା ଜୀବିକା ମିଶନକୁ ଦିଆଯାଇଥିବା ନିର୍ଦ୍ଦେଶ ଉପରେ କାର୍ଯ୍ୟ ପ୍ରକ୍ରିୟା ଆରମ୍ଭ କରାଯାଇଛି । ଉକ୍ତ ଅଞ୍ଚଳରେ ରହିଥିବା ସ୍ବୟଂ ସହାୟକ ଗୋଷ୍ଠୀ ମହିଳାମାନଙ୍କ ଜୀବନଜୀବିକା ସ୍ବାବଲମ୍ବୀ କରିବାକୁ ଜିଲାପ୍ରଶାସନ ଦେଇଥିବା ନିର୍ଦ୍ଦେଶ କ୍ରମେ ଓଡିଶା ଜୀବିକା ମିଶନର ବିପିଏମ୍ ପିଣ୍ଟୁ ନାୟକଙ୍କ ତତ୍ୱାବଧାନରେ ବ୍ଲକ ଜୀବିକା ସଂଯୋଜକ ସାନୁଜ ପ୍ରଧାନ ଉକ୍ତ ଅଞ୍ଚଳର ଏସଏଚଜିର ସଦସ୍ୟାଙ୍କୁ ନେଇ ଏକ ବୈଠକ ଆୟୋଜନ କରିଥିଲେ। ସେମାନଙ୍କୁ ସ୍ବାବଲମ୍ବୀ କରିବା ପାଇଁ ଅତି କମରେ ୫୦ ହଜାର ଟଙ୍କାସର ଋଣ ବ୍ୟବସ୍ଥା ସହ ଛତୁ ଚାଷ, ଫୁଲ ଚାଷ , ଛେଳି, କୁକୁଡ଼ା ଚାଷ କରିବାକୁ ପରାମର୍ଶ ଦେଇଥିଲେ । କୁକୁଡ଼ା ଚ ପାଇଁ ୫ ଶହ ଟଙ୍କା ପର୍ଯ୍ୟନ୍ତ ସହାୟତା ରାଶି ପ୍ରଦାନ କରାଯିବା ସହ ୩୦ଟି ଫିମେଲ ୨ଟି ମେଲ ଛେଳି ପ୍ରଦାନ କରାଯିବ। ଏଥିପାଇଁ ପ୍ରାଣୀଧନ ଚିକିତ୍ସା ବିଭାଗର ସହାୟତରେ ମିଶନଶକ୍ତି ମାଧ୍ୟମରେ ଏହି ସବୁ ସୁବିଧା କରାଯିବ। ମାଣ୍ଡିପଙ୍କା ଅଞ୍ଚଳରେ ପ୍ରାୟ ୧୬ଟି ସ୍ବୟଂ ସହାୟକ ଗୋଷ୍ଠୀ ରହଛି। ସେମାନଙ୍କ ଜୀବନଜୀବିକା ସ୍ବାବଲମ୍ବୀ କରାଯିବା ପାଇଁ ଜିଲାପ୍ରଶାସନ ପକ୍ଷରୁ ପଦକ୍ଷେପ ନିଆଯାଇଛି । ବୋଲି ବିପିଏମ ପିଣ୍ଟୁ ନାୟକ କହିଛନ୍ତି। ସେ କହିଛନ୍ତି ସମସ୍ତ ସ୍ବୟଂ ସହାୟକ ଗୋଷ୍ଠୀଙ୍କୁ ସରକାରଙ୍କ ଏହି ସବୁ ସୁବିଧା ଗୁଡିକ ସମ୍ପର୍କରେ ଅବଗତ କରାଯାଇଛି ।
ସୂଚନା ଯୋଗ୍ୟଯେ ଗଦାପୁର ପଞ୍ଚାୟତର ଏହି ଗ୍ରାମରେ ଆମ୍ବ ଟାକୁଆ ଖାଇ ୨ ଜଣଙ୍କ ମୃତ୍ୟୁ ଓ ୬ ଜଣ ଗୁରୁତର ହେଇଥିଲେ। ଏହାକୁ ନେଇ ସାରା ରାଜ୍ୟରେ ଚର୍ଚ୍ଚା ଜୋର ଧରିଥିଲା । ଘଟଣା ଘଟିବା ଦିନ ଜିଲାପାଳ ଅମ୍ରିତ ଋତୁରାଜଙ୍କ ନିର୍ଦ୍ଦେଶକ୍ରମେ ପ୍ରଥମେ ବଡିିଓ ପ୍ରୀତିରଞ୍ଜନ ରଥ, ତହସିଲଦାର ଶରତ ଶବର, ବ୍ଲକ ଅଧ୍ୟକ୍ଷ ସୁଶାନ୍ତ କୁମାର ପ୍ରଧାନ, ସ୍ବାସ୍ଥ୍ୟ ବିଭାଗର ଟିମ ସେଠାରେ ପହଞ୍ଚିଥିଲେ। ଜିଲାପାଳ ଦାରିଙ୍ଗବାଡିରେ ପହଞ୍ଚି ତଦନ୍ତ କରିଥିଲେ । ଦ୍ୱିତୀୟଦିନ ଜିଲାପାଳ ବ୍ରାହ୍ମଣୀଗାଁରେ ପହଞ୍ଚି ଚାଉଳ ବଣ୍ଟନ କେନ୍ଦ୍ର, ସ୍ବାସ୍ଥ୍ୟକେନ୍ଦ୍ର ପରିଦର୍ଶନ କରିଥିଲେ । ପୁଣି ସୋମବାର ଜିଲାପାଳ ଘଟଣାସ୍ଥଳକୁ ଯିବା ସହ ତାର ଆଖପାଖ ଅଞ୍ଚଳକୁ ଗସ୍ତ କରିଥିଲେ ଓ ଉକ୍ତ ଅଞ୍ଚଳର ଅନେକ ସ୍କୁଲ, ଅଙ୍ଗନାୱାଡି କେନ୍ଦ୍ର, ବିଭିନ୍ନ ପ୍ରକଳ୍ପ ଆଦି ବୁଲିଦେଖିବା ସହ ତାର ବିକାଶ ପାଇଁ ପଦକ୍ଷେପ ନେବା ଆରମ୍ଭ କରିଛନ୍ତି ।