ବ୍ୟାଙ୍କକ,୧୮।୮: ଥାଇଲ୍ୟାଣ୍ଡର ନୂଆ ପ୍ରଧାନମନ୍ତ୍ରୀ ଭାବରେ ପାଟୋଙ୍ଗଟର୍ନ ଶିନାୱାତ୍ରା ନିଯୁକ୍ତ ହୋଇଛନ୍ତି। ପ୍ରତିନିଧି ସଭାର ସେକ୍ରେଟେରୀ ଜେନେରାଲ ବା ମହାସଚିବ ଅର୍ଫାତ୍ ସୁକାନନ ରବିବାର ଏହି ଘୋଷଣା କରିଛନ୍ତି।
ଜିନ୍ହୁଆ ନ୍ୟୁଜ ଏଜେନ୍ସିର ରିପୋର୍ଟ ଅନୁଯାୟୀ ରବିବାର ସକାଳେ ମୁଖ୍ୟାଳୟରେ ଏକ ଫେଉ ଥାଇ ପାର୍ଟିର ଆୟୋଜନ କରାଯାଇଥିଲା। ଏହି ସମୟ ମଧ୍ୟରେ, ଅର୍ଫାତ୍ ଏକ ରାଜକୀୟ ଆଦେଶ ଦେଇଥିଲେ ଯେ ପାଟୋଙ୍ଗଟର୍ନ ଶିନାୱାତ୍ରାଙ୍କୁ ପ୍ରଧାନମନ୍ତ୍ରୀ ଭାବେ ନିଯୁକ୍ତ କରାଯାଇଥିଲା। ସେ ୧୬ଅଗଷ୍ଟରେ ସଂସଦରେ ସଂଖ୍ୟାଗରିଷ୍ଠତା ହାସଲ କରିଥିଲେ।
୩୭ବର୍ଷୀୟ ପାଟୋଙ୍ଗଟର୍ନ ଶିନାୱାତ୍ରା ଦେଶର ସର୍ବ କନିଷ୍ଠ ତଥା ଦ୍ୱିତୀୟ ମହିଳା ପ୍ରଧାନମନ୍ତ୍ରୀ ହୋଇଛନ୍ତି।
ପାଥୋଙ୍ଗର୍ନ ଶିନାୱାତ୍ରା ଶ୍ରୀଥା ଥାଭିସିନଙ୍କ ସ୍ଥାନ ନେଇଛନ୍ତି। ଯେକି ଅଗଷ୍ଟ ୧୪ରେ ଏକ ଅପରାଧିକ ରେକର୍ଡ ଥିବା କ୍ୟାବିନେଟ ସଦସ୍ୟଙ୍କ ନୁଯୁକ୍ତି ସମ୍ବନ୍ଧିତ ନୈତିକ ଉଲ୍ଲଂଘନ କାରଣରୁ ସାମ୍ବିଧାନିକ କୋର୍ଟ ଦ୍ୱାରା ତାଙ୍କୁ ପଦରୁ ହଟାଇ ଦିଆଯାଇଥିଲା।
ଦୁଇ ସନ୍ତାନର ମାତା ପାଟୋଙ୍ଗଟର୍ନ ଶିନାୱାତ୍ରା ବର୍ତ୍ତମାନ ପ୍ରଧାନମନ୍ତ୍ରୀଙ୍କ ଭୂମିକା ଗ୍ରହଣ କରିବାକୁ ଯାଉଛନ୍ତି। ସେ ତାଙ୍କ ପରିବାରର ତୃତୀୟ ସଦସ୍ୟ ଯିଏକି ଏହି ଦାୟିତ୍ୱ ତୁଲାଉଛନ୍ତି। ତାଙ୍କ ପୂର୍ବରୁ ତାଙ୍କ ପିତା ଏବଂ ମାଉସୀ ମଧ୍ୟ ଏହି ପଦବୀରେ ରହିଥିଲେ। ତାଙ୍କ ମାଉସୀ ଦେଶର ପ୍ରଥମ ମହିଳା ପ୍ରଧାନମନ୍ତ୍ରୀ ଥିଲେ।
