ବେହେରା,୨୫ା୧୧(ଡି.ଏନ.ଏ.): ଜିଲା ଧର୍ମଗଡ ବ୍ଲକ ଅନ୍ତର୍ଗତ ବେହେରା ଗ୍ରାମପଞ୍ଚାୟତସ୍ଥିତ ଅଙ୍ଗନୱାଡି କେନ୍ଦ୍ର ନଂ୧ର ଶିଶୁମାନେ ଗଳି ସନ୍ଧିରେ ଶିଶୁ ଦିବସ ପାଳନ କରିଥିଲେ। ଦୀର୍ଘ ଏକ ବର୍ଷ ଧରି କୋଠା ନିର୍ମାଣରେ ବିଳମ୍ବ ଯୋଗୁ ଶିଶୁମାନଙ୍କ ପ୍ରାକ୍ ପ୍ରାଥମିକ ଶିକ୍ଷା ସହ ଖାଦ୍ୟ ଗ୍ରହଣ, ଗର୍ଭବତୀଙ୍କ ନିୟମିତ ସ୍ବାସ୍ଥ୍ୟ ପରୀକ୍ଷା ଇତ୍ୟାଦି କାର୍ଯ୍ୟ ଉକ୍ତ ଗଳିସନ୍ଧିରେ ହିଁ କରାଯାଉଥିଲା। ଏପରି କି ସ୍ବାଧୀନତା ଦିବସ କି ଗଣତନ୍ତ୍ର ଦିବସରେ ମଧ୍ୟ ଶିଶୁମାନେ ପତାକା ଉତ୍ତୋଳନ କରିପାରୁ ନ ଥିଲେ। ଏ ନେଇ ଧରିତ୍ରୀରେ ଖବର ପ୍ରକାଶ ପରେ ପ୍ରଶାସନ ଗୁରୁତ୍ୱ ଦେଇ ଦିନକ ମଧ୍ୟରେ ହିଁ କାର୍ଯ୍ୟ ଆରମ୍ଭ କରିଥିବା ଦେଖାଯାଇଛି। ବେହେରା ଗ୍ରାମପଞ୍ଚାୟତରେ ପଲସାପଡା କେନ୍ଦ୍ର, ବେହେରା କେନ୍ଦ୍ର ନଂ ୩ର କୋଠା ନିର୍ମାଣ କାର୍ଯ୍ୟ ଅହେତୁକ ବିଲମ୍ବ ହୋଇ ସମ୍ପୂର୍ଣ୍ଣ ହୋଇ ନ ଥିବା ବେଳେ ଗଇନ୍ତାପଡା ଓ ବେହେରା କେନ୍ଦ୍ର ନଂ ୪ର କୋଠା ପାଇଁ ଅନୁଦାନ ରାଶି ମଞ୍ଜୁର ହୋଇଥିଲେ ହେଁ ଏଯାଏ ନିର୍ମାଣ ଆରମ୍ଭ ହୋଇନାହିଁ। ନିର୍ମାଣ କାର୍ଯ୍ୟ ଶୀଘ୍ର ସମ୍ପୂର୍ଣ୍ଣ କରିବାକୁ ସାଧାରଣରେ ଦାବି ହେଉଛି।