ମୁମ୍ବାଇ: ଭାରତୀୟ ଟେନିସ ତାରକା ସାନିଆ ମିର୍ଜା ଏବଂ ପାକିସ୍ତାନୀ କ୍ରିକେଟର ସୋଏବ ମଲିକଙ୍କ ବିବାହ ବିଚ୍ଛେଦକୁ ନେଇ ଜୋରଦାର ଚର୍ଚ୍ଚା ହେଉଛି। ଉଭୟ ସହମତିରେ ଛାଡ଼ପତ୍ର ଦେଇଥିବା ଯଦିଓ ଚର୍ଚ୍ଚା ହେଉଛି କିନ୍ତୁ ସୋଏବ କିମ୍ବା ସାନିଆଙ୍କ ପକ୍ଷରୁ ଏହି ଖବରକୁ ନିଶ୍ଚିତ କରାଯାଇନାହିଁ।
ଛାଡ଼ପତ୍ର ଖବର ମଧ୍ୟରେ ସାନିଆ-ସୋଏବଙ୍କୁ ଏକ ଶୋ’ରେ ଏକାଠି ଦେଖିବାକୁ ମିଳିଥିଲା। ଏ ବିଷୟରେ ଯେତେବେଳେ ପଚରାଗଲା ସୋଏବ କହିଥିଲେ, ଏହା ତାଙ୍କର ବ୍ୟକ୍ତିଗତ କଥା ଏବଂ ସେ ଏହା ଉପରେ କୌଣସି ମନ୍ତବ୍ୟ ଦେବାକୁ ଚାହୁଁନାହାନ୍ତି। ସେ ବିଚ୍ଛେଦ ଖବରକୁ ମାନିନାହାନ୍ତି କିମ୍ବା ଏହାକୁ ଅସ୍ବୀକାର ବି କରିନାହାନ୍ତି। ଛାଡ଼ପତ୍ର ଖବର ମଧ୍ୟରେ ସୋଏବ ସାନିଆଙ୍କ ସହ ତାଙ୍କ ମ୍ୟୁଜିକାଲ ଚାଟ୍ ଶୋ ‘ଦି ର୍ମିଜା ମଲିକ ଶୋ’ର ଏକ ଟିଜର ରିଲିଜ କରିଛନ୍ତି। ଯେଉଁଥିରେ ଉଭୟ ଏକ ସୁଖୀ ଦମ୍ପତି ପରି ପୋଜ୍ ଦେଉଥିବା ଦେଖିବାକୁ ମିଳିଛି। ଏହି ଶୋ’ ଖୁବ୍ଶୀଘ୍ର ଟେଲିକାଷ୍ଟ ହେବାକୁ ଯାଉଛି। ଊର୍ଦ୍ଦୁ ଫ୍ଲିକ୍ସରେ ଏହା ପ୍ରସାରିତ ହେବ।