ଭୁବନେଶ୍ୱର,୫।୪: କୋରାପୁଟ ଜୟପୁର ବିଧାନସଭା କଂଗ୍ରେସ ପ୍ରାର୍ଥୀ ତାରା ବାହିନୀପତି ଶୁକ୍ରବାର ନିର୍ବାଚନୀ ପ୍ରଚାର ଆରମ୍ଭ କରିଛନ୍ତି। ସମର୍ଥକଙ୍କ ସହ ସେ ବୋରିଗୁମ୍ମା ବ୍ଲକର ଭୈରବୀ ମନ୍ଦିରରେ ପହଞ୍ଚି ଥିଲେ। ପରେ ସେଠାରେ ପୂଜାର୍ଚ୍ଚନା କରି ନିର୍ବାଚନ ପ୍ରଚାର ଆରମ୍ଭ କରିଛନ୍ତି ତାରା ।
ଏହି ଅବସରରେ ତାରା ବାହନୀପତି କହିଥିଲେ, ୨୦୨୪ ନିର୍ବାଚନରେ ଜନସାଧାରଣଙ୍କ ଆଶୀର୍ବାଦରୁ ବିଜୟୀ ହୋଇ ହ୍ୟାଟ୍ରିକ କରିବେ। କଂଗ୍ରେସ ବର୍ତ୍ତମାନ ସୁଦ୍ଧା ୪୯ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛି। କଂଗ୍ରେସ ଏଥିମଧ୍ୟରୁ ଅଧିକାଂଶ ଆସନରେ ଜିତିବ ବୋଲି ତାରା ପ୍ରକାଶ କରିଛନ୍ତି। ଅନ୍ୟପକ୍ଷେ ଜୟପୁର ଆସନ ପାଇଁ ବିଜେଡି ଓ ଭାଜପା ପ୍ରାର୍ଥୀଙ୍କ ନାଁ ଘୋଷଣା କରି ନାହିଁ।
