କେସିଙ୍ଗା,୧୦ା୨(ତୁମେଶ୍ୱର ସାହୁ): କଳାହାଣ୍ଡି ଜିଲାର ଭବାନୀପାଟଣା ନିର୍ବାଚନ ମଣ୍ଡଳୀର ପ୍ରମୁଖ ସହର ଭାବରେ କେସିଙ୍ଗା ବେଶ୍ ଜଣାଶୁଣା। ନିର୍ବାଚନ ପାଖେଇ ଆସୁଥିବା ବେଳେ ନୂତନ ଏନ୍ଏସି ଟାଉନ ସଭାପତିମାନଙ୍କର ନାମ ଇତିମଧ୍ୟରେ ବିଜେଡି ପକ୍ଷରୁ ଘୋଷଣା କରାଯାଇଛି। କେସିଙ୍ଗା ନଗର ଟାଉନ ସଭାପତି ଭାବରେ ବିଜେଡିର ପୁରୁଣା ନେତା ରମେଶ କୁମାର ପଟ୍ଟନାୟକଙ୍କୁ ଦଳ ପକ୍ଷରୁ ପୁନର୍ବାର ସଭାପତି ଭାବରେ ମନୋନୀତ କରାଯାଇଛି। ବିଜେଡିର ଏହି ପୁରୁଣା ନେତାଙ୍କୁ ସଭାପତି ଭାବରେ ମନୋନୀତ କରିଥିବାରୁ କେସିଙ୍ଗା ନଗର ବିଜେଡି ପକ୍ଷରୁ ତାଙ୍କୁ ଅଭିନନ୍ଦନ ଜଣାଯାଇଛି। ସେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ବିଜେଡି ସାଂଗଠାନିକ ସମ୍ପାଦକ ପ୍ରଣବ ପ୍ରକାଶ ଦାସ ଓ କଳାହାଣ୍ଡି ବିଜେଡି ସଭାପତି ପୁଷ୍ପେନ୍ଦ୍ର ସିଂହଦେଓଙ୍କୁ ଧନ୍ୟବାଦ ସହିତ ଆଗାମୀ ୨୦୨୪ ନିର୍ବାଚନରେ ବିଜେଡି କିପରି କେସିଙ୍ଗାରେ ସୁଦୃଢ଼ ହୋଇପାରିବ ସେଥିପ୍ରତି ଦୃଷ୍ଟି ଦେବା ସହିତ ଅଞ୍ଚଳର କର୍ମକର୍ତ୍ତାଙ୍କ ସହିତ କାନ୍ଧରେ କାନ୍ଧ ମିଳାଇ ଦଳ ପାଇଁ କାମ କରିବାକୁ କହିଛନ୍ତି।