ପପ୍ ଗାୟିକା ତଥା ଅଭିନେତ୍ରୀ ସେଲିନା ଗୋମେଜଙ୍କ ଜୁଲାଇ ୨୨ରେ ଜନ୍ମଦିନ। ସେ ଏବେ ୨୮ ବର୍ଷରେ ପାଦଦେଇଛନ୍ତି। ସେ ଜଣେ ପ୍ରସିଦ୍ଧ ଗାୟିକା। ସେଲିନା ‘ଗୁଡ ଫର ୟୁ’, ‘ସେମ୍ ଓଲ୍ଡ ଲଭ୍ ’ ଏବଂ ‘ବ୍ୟାକ୍ଟୁ ୟୁ’ ଭଳି ଅନେକ ହିଟ୍ ଗୀତ ଗାଇଛନ୍ତି। ୨୦୧୩ରେ, ସେଲିନା ତାଙ୍କର ପ୍ରଥମ ଆଲବମ ଲଞ୍ଚ୍ କରିଥିଲେ। ଏହି ଆଲବମ ’କେମ୍ ଆଣ୍ଡ ଗେଟ୍ ’ ବହୁତ୍ ହିଟ୍ ହୋଇଥିଲା। ସେଲିନା ପୂର୍ବରୁ ଜଷ୍ଟିନ ବିବରଙ୍କ ସହ ସମ୍ପର୍କ ପାଇଁ ଚର୍ଚ୍ଚାରେ ରହୁଥିଲେ। ତେବେ ତାଙ୍କର ଏଭଳି କିଛି ଫଟୋ ଯାହା ଆପଣ ଆଗରୁ ଦେଖି ନ ଥିବେ।
ସେଲିନା ବହୁତ କମ୍ ବୟସରେ ଅନେକ ସଫଳତା ହାସଲ କରିଛନ୍ତି। ସେ ୨୨ ଜୁଲାଇ ୧୯୯୨ରେ ଆମେରିକାରେ ଜନ୍ମଗ୍ରହଣ କରିଥିଲେ। ପରେ ୧୭ ବର୍ଷ ବୟସରେ ୟୁନିସେଫର ରାଷ୍ଟ୍ରଦୂତ ମଧ୍ୟ ହୋଇଛନ୍ତି।
ସେଲିନା ‘ଜିଆନା ବାର୍ନି ଆଣ୍ଡ ଫ୍ରେଣ୍ଡସ’ରେ ନିଜର କ୍ୟାରିୟର୍ ଆରମ୍ଭ କରିଥିଲେ । କ୍ୟାରିୟର ଆରମ୍ଭରେ ସେଲିନା ହାନ୍ନା ମୋଣ୍ଟାନାରେ ମଧ୍ୟ କାମ କରିଥିଲେ। ପରେ ସେ ଅନେକ ଚଳଚ୍ଚିତ୍ରରେ ଛୋଟ ଭୂମିକାରେ ଅଭିନୟ କରିଥିଲେ। ଯାହା ତାଙ୍କୁ ଅଧିକ ଲୋକପ୍ରିୟ କରିଛି। ସେଲିନା ୨୮ ବର୍ଷ ବୟସରେ କୋଟି କୋଟି ଟଙ୍କାର ମାଲିକାଣୀ ହୋଇପାରିଛନ୍ତି।
ଜଷ୍ଟିନ ବିବରଙ୍କ ସହ ସେଲିନାଙ୍କ ବ୍ରେକଅପ୍ ହୋଇଯାଇଛି। ଜଷ୍ଟିନ ବିବର ମଧ୍ୟ ହେଲି ବଲ୍ଡୱିନ୍ ବିବାହ କରିଛନ୍ତି। ସେଲିନା ସୋସିଆଲମିଡିଆରେ ତାଙ୍କର ଫଟୋ ଅପଲୋଡ କରିଥା’ନ୍ତି ତାଙ୍କର ଫଟୋକୁ ନେଇ ଚର୍ଚ୍ଚାରେ ରୁହନ୍ତି।
ସେଲିନା କିଛି ବର୍ଷ ପୂର୍ବେ କିଡ୍ନୀ ପ୍ରତିରୋପଣ କରିଥିଲେ ଏବଂ ଏହି କାରଣରୁ ତାଙ୍କୁ କିଛି ସମସ୍ୟାର ସାମ୍ନା କରିବାକୁ ପଡ଼ିଥିଲା।