ଖଲ୍ଲିକୋଟ,୧୫।୩(ଡି.ଏନ୍.ଏ.): ଓଡ଼ିଶା ଡ୍ରାଇଭର ମହାସଂଘ ଖଲ୍ଲିକୋଟ ଶାଖା ପକ୍ଷରୁ ଗୁରାପଲି ଟୋଲ୍ଗେଟ୍ ନିକଟ ଖଲ୍ଲିକୋଟ ଡ୍ରାଇଭର ସଙ୍ଘ କାର୍ଯ୍ୟାଳୟ ସମ୍ମୁଖରେ ଷ୍ଟିଅରିଂ ଛାଡ଼ ଆନ୍ଦୋଳନ ହୋଇଛି। ଖଲ୍ଲିକୋଟ ସଙ୍ଘ ସଭାପତି ମୁନା ପାତ୍ରଙ୍କ ନେତୃତ୍ୱରେ ୩୦୦ରୁ ଊଦ୍ଧର୍ବ ଡ୍ରାଇଭର ୯ ଦଫା ସମ୍ବଳିତ ଦାବି ନେଇ ନାରବାଜି କରିଛନ୍ତି। ଦାବି ପୂରଣ ନ ହେବା ଯାଏ ଏହି ଆନ୍ଦୋଳନ ଜାରି ରହିବ ବୋଲି ସଭାପତି ଏବଂ କର୍ମକର୍ତ୍ତାମାନେ ପ୍ରକାଶ କରିଥିଲେ। ଉକ୍ତ ରାସ୍ତା ଦେଇ ଗାଡ଼ି ଚଳାଇ ଯାଉଥିବା ଡ୍ରାଇଭରଙ୍କ ବେକରେ ଫୁଲମାଳ ଦେଇ ଜୁହାର କରୁଥିବା ଦେଖାଯାଇଛି। କୌଣସି ଅପ୍ରୀତିକର ପରିସ୍ଥିତି ନ ହେବା ପାଇଁ ଖଲ୍ଲିକୋଟ ପୋଲିସ ଧାରଣା ସ୍ଥାନରେ ରହିଛନ୍ତି। ଆନ୍ଦୋଳନରେ ସଙ୍ଘ ସଭାପତିଙ୍କ ସମେତ ଉପସଭାପତି ହେମନ୍ତ ଅଧିକାରୀ, ସମ୍ପାଦକ ଭକ୍ତ ପ୍ରହ୍ଲାଦ ବିଶୋଇ, ଅଜୟ କୁମାର ପଣ୍ଡା, ଜଗବନ୍ଧୁ ଜେନା, ଧୀରେନ ସାହୁଙ୍କ ସମେତ ବହୁ ସଂଖ୍ୟକ ଡ୍ରାଇଭର ଉପସ୍ଥିତ ଅଛନ୍ତି।
