ଧାମନଗର, ୨୫।୧ (ଡି.ଏନ.ଏ./ସ୍ବ.ପ୍ର.): ଭଦ୍ରକ ଜିଲା ଧାମନଗର ବ୍ଲକରେ ପ୍ରଧାନମନ୍ତ୍ରୀ ଆବାସ ବଣ୍ଟନରେ ଚଞ୍ଚକତା ପ୍ରତିବାଦରେ ମଙ୍ଗଳବାର ଭାଜପା ପକ୍ଷରୁ ବ୍ଲକ କାର୍ଯ୍ୟାଳୟ ଘେରାଉ କରାଯାଇଛି। ବିଧାୟକ ସୂର୍ଯ୍ୟବଂଶୀ ସୂରଜଙ୍କ ନେତୃତ୍ୱରେ ଦଳୀୟ କର୍ମୀ ଓ ଆବାସ ତାଲିକାରୁ ବାଦ୍ ପଡ଼ିଥିବା ବହୁ ହିତାଧିକାରୀ ଧାମନଗର ମେଡିକାଲଠାରୁ ବିଭିନ୍ନ ସ୍ଲୋଗାନ ଦେଇ ଶୋଭାଯାତ୍ରାରେ ବ୍ଲକ ଅଫିସ ପାଖକୁ ଯାଇଥିଲେ। ବ୍ଲକ ଛକ ଦମକଳ କେନ୍ଦ୍ରଠାରେ ଅଶୋକ ପୁହାଣଙ୍କ ସଭାପତିତ୍ୱରେ ପ୍ରତିବାଦ ସଭା ଅନୁଷ୍ଠିତ ହୋଇଥିଲା। ରାଜ୍ୟ ସରକାର ନିଜେ ଦାୟିତ୍ୱ ନେଇ ନିରପେକ୍ଷ ଭାବେ ସର୍ଭେ କରନ୍ତୁ ଏବଂ ଯୋଗ୍ୟ ହିତାଧିକାରୀଙ୍କୁ ନେଇ ଠିକ୍ ତାଲିକା ପ୍ରସ୍ତୁତ କରନ୍ତୁ। ଯେପର୍ଯ୍ୟନ୍ତ ଯୋଗ୍ୟ ହିତାଧିକାରୀଙ୍କ ଠିକ୍ ତାଲିକା ପ୍ରସ୍ତୁତ ନ କରାଯାଇଛି ସେପର୍ଯ୍ୟନ୍ତ ଏହାକୁ ସ୍ଥଗିତ ରଖନ୍ତୁ। ଯୋଗ୍ୟଙ୍କୁ ପ୍ରଧାନମନ୍ତ୍ରୀ ଆବାସ ନ ମିଳିବା ଯାଏ ଭାଜପା ଏ ଆନ୍ଦୋଳନ ଜାରି ରଖିବ। ଉପନିର୍ବାଚନ ସମୟରେ ଧାମନଗର ଦାୟିତ୍ୱ ନେଇଥିଲେ। କିନ୍ତୁ ଆଜି ଗରିବ ଯୋଗ୍ୟ ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସରୁ କାହିଁକି ବଞ୍ଚତ୍ତ କରିଛନ୍ତି। ଭାଜପାର ବିଧାୟକ ଜିତିଛନ୍ତି ବୋଲି କି ବିଧାୟକ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ପ୍ରଶ୍ନ କରିଥିଲେ। ଶେଷରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ବିଡିଓଙ୍କ ମାଧ୍ୟମରେ ପ୍ରଦାନ କରାଯାଇଥିଲା। ୭ଦିନ ଭିତରେ ଠିକ୍ ଭାବେ ହିତାଧିକାରୀ ଚୟନ ତାଲିକା ପ୍ରକାଶିତ କରାଯାଉ। ସରକାର ଏହାକୁ ଅଣଦେଖା କଲେ ଓ ଗ୍ରାମସଭା ଆୟୋଜନ ନ କରି ତାଲିକା ପ୍ରସ୍ତୁତ କରାଗଲେ ଆଗାମୀ ସପ୍ତାହରୁ ଘର ପାଇବାରୁ ବଞ୍ଚତ୍ତ ହିତାଧିକାରୀଙ୍କ ସହଯୋଗରେ ଭାଜପା ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବ୍ଲକ ଅଫିସଠାରୁ ବିଧାନସଭା ଘେରାଉ ପର୍ଯ୍ୟନ୍ତ ଲଢ଼େଇ ଜାରି ରଖିବ ବୋଲି ସେ ଚେତାବନୀ ଦେଇଛନ୍ତି।
ବିଧାୟକଙ୍କ ସହ ପୂର୍ବତନ ଜିଲା ପରିଷଦ ସଭ୍ୟ ମନୋରଞ୍ଜନ ମଲ୍ଲିକ, ଚତୁର୍ଭୁଜ ନାୟକ, ଅରବିନ୍ଦ ପତି, ରାମଚନ୍ଦ୍ର ମିଶ୍ର, ଦୀପ୍ତି ରଞ୍ଜନ ଜେନା, ଅଜୟ ବଳ, ଅଶୋକ ପଣ୍ଡା, ରଞ୍ଜନ ପଣ୍ଡା, ପ୍ରୀତମ ଦାସ, ମିନତି ସାହୁ, ଶରତ ମହାନ୍ତି, ପ୍ରଶାନ୍ତ ନାୟକ, ଶ୍ରୀକାନ୍ତ ନାୟକ, ବୈକୁଣ୍ଠ ସାହୁ, ବୁଲୁ ପୋଥାଳ, ଦେବେନ୍ଦ୍ର ପୁହାଣ, ବିଜୟ ରାମ, ରମେଶ ଚନ୍ଦ୍ର ପତି, କ୍ଷେତବାସୀ ବାରିକ, ଉମାମଣି ସାହୁ, ପୁଷ୍ପାଞ୍ଜଳି ବେହେରା, କବିତାରାଣୀ ରାୟ ପ୍ରମୁଖ ଏଥିରେ ଯୋଗ ଦେଇଥିଲେ।
