ଭୁବନେଶ୍ୱର, ୧୫।୨ (ତପନ ସ୍ବାଇଁ): ମାଲେସିଆର କୁଚିଙ୍ଗ୍ଠାରେ ଆଇଟିଏଫ୍ ଓ୍ବାଲର୍ଡ ଜୁନିୟର୍ସ ଟିମ୍ କମ୍ପିଟେଶନ ଫାଇନାଲ କ୍ୱାଲିଫାଇଂ ଇଭେଣ୍ଟ-୨୦୨୪ ମାର୍ଚ୍ଚ ୧୮ରୁ ୨୩ ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ସମ୍ମାନଜନକ ପ୍ରତିଯୋଗିତା ପାଇଁ ଭାରତୀୟ ଦଳରେ ଓଡ଼ିଶାର ଆହାନ ସାମିଲ ହୋଇଛନ୍ତି। ସର୍ବଭାରତୀୟ ଟେନିସ ଆସୋସିଏଶନ(ଏଆଇଟିଏ) ପକ୍ଷରୁ ଏକ ଅଭ୍ୟାସ କ୍ୟାମ୍ପ ଗତ ୧୨ ତାରିଖରୁ ନୂଆଦିଲ୍ଲୀର ଆର୍.କେ. ଖାନ୍ନା ଟେନିସ ଷ୍ଟାଡିୟମରେ ଆରମ୍ଭ ହୋଇଛି। ଏହା ଗୁରୁବାର ଶେଷ ହେବ। କ୍ୟାମ୍ପରେ ୬ ଖେଳାଳି ସାମିଲ ଥିଲେ। ଆହାନ ସିଙ୍ଗଲ୍ସରେ ସମସ୍ତ ୫ ଖେଳାଳିଙ୍କୁ ହରାଇ ଶୀର୍ଷସ୍ଥାନ ଅଧିକାର କରିଥିଲେ। ଆହାନ ହେଉଛନ୍ତି ଏସ୍ବେସ୍ ଟେନିସ ଏକାଡେମୀର ପ୍ରଶିକ୍ଷାର୍ଥୀ। ସେ ରାଜ୍ୟର ପ୍ରତିଷ୍ଠିତ କୋଚ୍ ଅଜୟ ନିଶଙ୍କଙ୍କଠାରୁ ପ୍ରଶିକ୍ଷଣ ନେଉଛନ୍ତି।