ବମ୍ବେ: ପୁଣି ଥରେ ଆଈ ହୋଇଛନ୍ତି ଅଭିନେତ୍ରୀ ହେମା ମାଳିନୀ। ହେମାଙ୍କ ସାନ ଝିଅ ଆହାନା ଦେଓଲ ବୋହରା ମା’ ହୋଇଛନ୍ତି। ନଭେମ୍ବର ୨୬ରେ ସେ ଜାଆଁଳା ଝିଅଙ୍କୁ ଜନ୍ମ ଦେଇଛନ୍ତି। ସେମାନଙ୍କ ନାମ ଏଷ୍ଟ୍ରା ଏବଂ ଏଡିୟା ରଖାଯାଇଛି। ଆହାନା ନିଜର ଇନ୍ଷ୍ଟାଗ୍ରାମ ଆକାଉଣ୍ଟରେ ପ୍ରଶଂସକଙ୍କ ସହ ଏହି ଖୁସିଖବର ବାଣ୍ଟିଛନ୍ତି।
ଆହାନା ଅଭିନେତ୍ରୀ ଇଶା ଦେଓଲଙ୍କ ସାନ ଭଉଣୀ। ସେ ୨୦୧୪ରେ ବ୍ୟବସାୟୀ ବୈଭବ ବୋହରାଙ୍କୁ ବିବାହ କରିଥିଲେ। ଏହାର ଗୋଟିଏ ବର୍ଷ ପରେ ଅର୍ଥାତ ୨୦୧୫ରେ ଉଭୟଙ୍କ ପୁଅ ଦରିୟାନ ଜନ୍ମ ହୋଇଥିଲା। ଏବେ ଘରକୁ ଲକ୍ଷ୍ମୀ ଆସିଥିବାକୁ ନେଇ ସମସ୍ତ ପରିବାର ଖୁସିବ୍ୟକ୍ତ କରିଛନ୍ତି।