ନୂଆଦିଲ୍ଲୀ,୧୩।୧: ାଧାରଣତନ୍ତ୍ର ଦିବସ ପୂର୍ବରୁ ଆତଙ୍କବାଦୀଙ୍କ ଏକ ବଡ଼ ଷଡଯନ୍ତ୍ର ଯୋଜନା ପଣ୍ଡ ହୋଇଛି। ରାଜଧାନୀ ଦିଲ୍ଲୀରେ ସଂଦିଗ୍ଧ ଦୁଇ ଆତଙ୍କବାଦୀଙ୍କୁ ଦିଲ୍ଲୀ ପୋଲିସର ସ୍ପେଶାଲ ସେଲ ଗିରଫ କରିଛି। ଆତଙ୍କବାଦୀ ସଂଗଠନ ସହ ଏହି ୨ ବ୍ୟକ୍ତି ଜଡିତ ଥିବା ଜଣାପଡିଛି।
ଅଭିଯୁକ୍ତମାନଙ୍କ ମଧ୍ୟରୁ ଜଗଜିତ୍ ସିଂ (୨୯) ଉତ୍ତରପ୍ରଦେଶର ଉଦହମ ସିଂ ନଗରର ବାସିନ୍ଦା ହୋଇଥିବା ବେଳେ ଅନ୍ୟ ଜଣେ ନୌଶାଦ (୫୬) ଦିଲ୍ଲୀର ଜାହାଙ୍ଗୀରପୁରୀର ବାସିନ୍ଦା। ଅଭିଯୁକ୍ତଙ୍କ ନିକଟରୁ ତିନୋଟି ପିସ୍ତଲ ଏବଂ ୨୨ଟି ଜୀବନ୍ତ କାର୍ଟ୍ରିଜ ମଧ୍ୟ ଉଦ୍ଧାର କରାଯାଇଛି।
ପୋଲିସ ସନ୍ଦେହ କରୁଛି ଯେ କାନାଡାରେ ଅବସ୍ଥିତ ଖଲିସ୍ତାନୀ ଆତଙ୍କବାଦୀଙ୍କ ସହ ଜଗଜିତ୍ଙ୍କର ସମ୍ପର୍କ ରହିଛି। ପୋଲିସର ସୂଚନାନୁସାରେ, ଉଭୟ ଉତ୍ତର ପଶ୍ଚିମ ଦିଲ୍ଲୀର ଜାହାଙ୍ଗୀରପୁରୀ ଅଞ୍ଚଳରୁ ଧରାପଡିଥିଲେ। ଖଲିସ୍ତାନୀଙ୍କ ସହ ଲିଙ୍କ ଥିବା ଅନ୍ୟ କେତେକ ସନ୍ଦିଗ୍ଧଙ୍କୁ ମଧ୍ୟ ପୋଲିସ ପଚରାଉଚରା କରୁଛି। ସେହିପରି ନୌଶାଦଙ୍କ ପୂର୍ବରୁ ମଧ୍ୟ ଆତଙ୍କବାଦୀ ସଂଗଠନଗୁଡ଼ିକ ସହିତ ସମ୍ପର୍କ ଥିଲା। ସେ ଆତଙ୍କବାଦୀ ସଂଗଠନ ହରକାଟ-ଉଲ-ଅନସର ସହିତ ଜଡିତ ଥିଲେ। ଦୁଇଟି ହତ୍ୟା ମାମଲାରେ ନୌଶାଦଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଛି ବୋଲି ପୋଲିସ କହିଛି।
