ନୂଆଦିଲ୍ଲୀ,୨୯।୧୦ : ଖୁବ ଶୀଘ୍ର ଗୁଜରାଟ ଏବଂ ପରେ କର୍ନାଟକରେ ବିଧାନସଭା ନିର୍ବାଚନ ହେବାକୁ ଯାଉଛି। ଏନେଇ ଭାଜପା ଏବଂ କଂଗ୍ରେସ ମଧ୍ୟରେ ଆରୋପ ପ୍ରତ୍ୟାରୋପ ଜାରି ରହିଛି। କଂଗ୍ରେସ ଭାଜପାକୁ ଟାର୍ଗେଟ କରିଛି। କଂଗ୍ରେସ ଲଗାତାର ଭାଜପା ଦେଶରେ ବିଭାଜନ, ଘୃଣା ପ୍ରଚାର କରୁଥିବା ଅଭିଯୋଗ ଆଣୁଛି। କଂଗ୍ରେସର ମହାସଚିବ ରଣଦୀପ ସୁର୍ଜେ ୱାଲା କର୍ନାଟକର ମୁଖ୍ୟମନ୍ତ୍ରୀ ବାସଭରାଜ ବୋମ୍ମାଇ ସରକାରଙ୍କ ଉପରେ ଏକ ବଡ ଅଭିଯୋଗ କରିଛନ୍ତି। ସେ କହିଛନ୍ତି ଯେ କର୍ନାଟକରେ ଲାଞ୍ଚ ଦୁର୍ନୀତି ସାମ୍ନାକୁ ଆସିଛି, ଯେଉଁଥିରେ ବୋମ୍ମାଇ ଦୋଷୀ।
ରାଜ୍ୟରେ କଣ୍ଟ୍ରାକ୍ଟର ଆସୋସିଏଶନ ପ୍ରଧାନମନ୍ତ୍ରୀଙ୍କୁ ଏକ ଚିଠି ଲେଖି ଅଭିଯୋଗ କରିଛନ୍ତି ଯେ ୧୩ ହଜାର ବିଦ୍ୟାଳୟ କହିଛନ୍ତି ଯେ ଅନୁଦାନ ପାଇଁ କମିଶନ ଦେବାକୁ ପଡିବ। ଧର୍ମ କାର୍ଯ୍ୟରେ, ମଠର କମିଶନ ନିଆଯାଉଛି। ପିଡବ୍ଲ୍ୟୁଡି ଇଞ୍ଜିନିୟର ନିଯୁକ୍ତି, ଆସିଷ୍ଟାଣ୍ଟ ପ୍ରଫେସର ନିଯୁକ୍ତି ଏବଂ ମଧ୍ୟାହ୍ନ ଭୋଜନରେ ଲାଞ୍ଚ ନିଆଯାଇଥିବା ସ୍ପଷ୍ଟ ହୋଇଛି। ବେମ୍ମାଇଙ୍କ ଉଦ୍ଦେଶ୍ୟରେ ସେକହିଛନ୍ତି ମହାଶୟ, ତୁମେ ଧରା ପଡ଼ିଛ। ତୁମେ ଗୋଟିଏ ଦିନ ବି କ୍ଷମତାରେ ରହିବା ଉଚିତ ନୁହେଁ। ଦୋଷୀଙ୍କ ବିରୋଧରେ ଦୁର୍ନୀତି ମାମଲା ଦାଏର କରି ତାଙ୍କୁ ଜେଲକୁ ପଠାନ୍ତୁ।
ୟୁନିଫର୍ମ ସିଭିଲ କୋଡ ନେଇ ସେ ଭାଜପା ସରକାରଙ୍କୁ ଘେରିଛନ୍ତି। ସେ କହିଛନ୍ତି ଯେ ଗୁଜରାଟରେ ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଯେତେବେଳେ ନିର୍ବାଚନ ଅନୁଷ୍ଠିତ ହୁଏ, ଏହା ଭାଜପାର ଏକ ପ୍ରସଙ୍ଗ। ହିନ୍ଦୁ-ମୁସଲମାନ, ଧର୍ମ ଜାତି ଆଦି ଭାଜପା ଷଡଯନ୍ତ୍ରର ଏକ ଅଂଶ। ଦେଶର ଲୋକମାନେ ଭାଜପାର ଏଭଳି ଚେହେରାକୁ ଚିହ୍ନି ଗଲେଣି। ସେମାନେ ଏହାର କଡ଼ା ଜବାବ ଦେବେ।