ଚେନ୍ନାଇ,୨୫।୯: ଡିଏମକେ ସଭାପତି ତଥା ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ରାଜ୍ୟରେ ଏଆଇଡିଏମ୍କେ ଏବଂ ଭାଜପା ମଧ୍ୟରେ ଚାଲିଥିବା ବିବାଦ ଉପରେ ମନ୍ତବ୍ୟ ଦେଇଛନ୍ତି। ନିକଟରେ ଏଆଇଏଡିଏମକେ ଭାଜପା ସହ ମେଣ୍ଟ ଭାଙ୍ଗିଥିବା ପ୍ରଶ୍ନର ଉତ୍ତରରେ ସିଏମ ଷ୍ଟାଲିନ କହିଛନ୍ତି, ଏହା ଏକ ନାଟକ। ସେମାନେ ପରସ୍ପର ସହ ଲଢିବାକୁ ଚେଷ୍ଟା କରୁଛନ୍ତି, କିନ୍ତୁ ବାସ୍ତବରେ ସେମାନଙ୍କର ଭଲ ସମ୍ପର୍କ ରହିଛି।
ଷ୍ଟାଲିନ କହିଛନ୍ତି, ସେମାନେ (ଭାଜପା ଏବଂ ଏଆଇଏଡିଏମକେ) ଲଢେଇ କରିବାର ଛଳନା କରୁଛନ୍ତି। ଆଭ୍ୟନ୍ତରୀଣ ଭାବରେ ସେମାନଙ୍କ ମଧ୍ୟରେ ବନ୍ଧୁତ୍ୱପୂର୍ଣ୍ଣ ସମ୍ପର୍କ ଅଛି। ଏହି ଅଭିନୟ କାହିଁକି? ଏଆଇଏଡିଏମକେକୁ ସମର୍ଥନ କରି ଭାଜପା ସେମାନଙ୍କ ଦୁର୍ନୀତିର ବୋଝ ନେବାକୁ ପଡିବ। ଭାଜପାକୁ ସମର୍ଥନ କରି ଏଆଇଏଡିଏମକେ ତାର ସାମ୍ପ୍ରଦାୟିକତାକୁ ସାହାଯ୍ୟ କରିବାକୁ ପଡିବ। ତାମିଲନାଡୁରେ ଦୁଇ ଦଳ ମଧ୍ୟରେ ତୀବ୍ର ଯୁକ୍ତିତର୍କ ଚାଲିଥିବା ବେଳେ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କ ସହ ଏଆଇଏଡିଏମକେ ମୁଖ୍ୟ କେ ପଲାନିସୱାମୀଙ୍କ ସାକ୍ଷାତ ପଛରେ କାରଣ କ’ଣ ଥିଲା ବୋଲି ଷ୍ଟାଲିନ ପ୍ରଶ୍ନ କରିଛନ୍ତି।
ସୂଚନାଯୋଗ୍ୟ, ଭାଜପା ରାଜ୍ୟ ମୁଖ୍ୟ ଅନ୍ନାମଲାଇ ଦ୍ରାବିଡ଼ ନେତା ସ୍ବର୍ଗତ ସି.ଏନ ଅନ୍ନଦୁରାଇଙ୍କ ବିରୋଧରେ ଅଭିଯୋଗ କରିଥିଲେ। ଅନ୍ନାମଲାଇଙ୍କ ସମାଲୋଚିତ ମନ୍ତବ୍ୟ ଉପରେ ମତଭେଦ ପରେ ଏଆଇଡିଏମ୍କେ ଭାଜପା ସହ ମେଣ୍ଟ ଭାଙ୍ଗିବାକୁ ଘୋଷଣା କରିଥିଲା।