ଥେନି,୨୫ ।୨: ତାମିଲନାଡୁର ଥେନି ଜିଲାରେ ପୂର୍ବତନ ମୁଖ୍ୟମନ୍ତ୍ରୀ ଓ ଅନ୍ନାଦ୍ରମୁକର ଅପଦସ୍ତ ନେତା ଓ ପନ୍ନିରସେଲଭମଙ୍କ ମାଆ ପଲାନିଅମ୍ମଲ ନଚିୟାରଙ୍କର ଶୁକ୍ରବାର ପରଲୋକ ହୋଇଛି । ସମାଚାର ଏଜେନ୍ସି ପିଟିଆଇର ସୂଚନା ଅନୁଯାୟୀ, ବାର୍ଦ୍ଧକ୍ୟ ହେତୁ ୯୫ ବର୍ଷ ବୟସରେ ତାଙ୍କର ମୃତ୍ୟୁ ହୋଇଛି ।
ପରିବାରର ନିକଟତମ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ପଲାନି ଅମ୍ମଲ ବିଳମ୍ବିତ ସନ୍ଧ୍ୟାରେ ଜିଲାର ପେରିୟାକୁଲମରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମାଆଙ୍କ ମୃତ୍ୟୁ ଖବର ଶୁଣିବା ପରେ ପନ୍ନିରସେଲଭମ ଚେନ୍ନାଇରୁ ଘରକୁ ଯାଇଥିଲେ । କାରଣ ସେଠାରେ ସେ ପ୍ରେସ ବାର୍ତ୍ତା ପାଇଁ ପହଞ୍ଚିଥିଲେ । ପରିବାର ସୂତ୍ରର ସୂଚନା ଅନୁଯାୟୀ, ଓପିଏସଙ୍କ ମାଆଙ୍କର ପାର୍ଥିବ ଶରୀରର ଅନ୍ତିମ ସଂସ୍କାର ଶନିବାର କରାଯିବ ।