ଭୁବନେଶ୍ୱର,୧୨।୧୦(ସ୍ପୋର୍ଟସ ବ୍ୟୁରୋ): ଓଡ଼ିଶା ସମେତ ଦେଶର ୩ଟି ଭେନ୍ୟୁରେ ଆୟୋଜିତ ହେବାକୁ ଯାଉଛି ୧୭ ବର୍ଷରୁ କମ୍ ମହିଳା ଫୁଟବଲ ବିଶ୍ୱକପ୍। ଭୁବନେଶ୍ୱର ସ୍ଥିତ କଳିଙ୍ଗ ଷ୍ଟାଡିୟମରେ ଏହି ସମ୍ମାନଜନକ ଟୁର୍ନାମେଣ୍ଟ ଆୟୋଜନ ହୋଇଛି। ଏହି ଉଦ୍ଘାଟନୀ ଉତ୍ସବରେ ଯୋଗ ଦେବା ପାଇଁ ଭୁବନେଶ୍ୱରରେ ପହଞ୍ଚିଥିବା ଫିଫା ମହାସଚିବ ଫାତମା ସମାଉରାଙ୍କୁ ସର୍ବଭାରତୀୟ ଫୁଟବଲ ଫେଡେରେଶନ(ଏଆଇଏଫଏଫ୍) ଓ ଓଡ଼ିଶା ଫୁଟବଲ ସଂଘ(ଫାଓ) ପକ୍ଷରୁ ସମ୍ବର୍ଦ୍ଧିତ କରାଯାଇଛି। ମେ’ ଫେୟାରରେ ତାଙ୍କୁ ସମ୍ବର୍ଦ୍ଧିତ କରାଯାଇଥିବା ବେଳେ ଏହି କାର୍ଯ୍ୟକ୍ରମରେ ଏଆଇଏଫ୍ଏଫ୍ ସଭାପତି କଲ୍ୟାଣ ଚୌବେ, ସାଧାରଣ ସମ୍ପାଦକ ଶାଜି ପ୍ରଭାକରନ୍, କୋଷାଧ୍ୟକ୍ଷ କିପା ଅଜୟ ଓ ଫାଓର ଅବୈତନିକ ସମ୍ପାଦକ ଆଶୀର୍ବାଦ ବେହେରା ପ୍ରମୁଖଙ୍କ ସହିତ ଏଆଇଏଫ୍ଏଫ୍ ଓ ଫାଓର ସଦସ୍ୟଗଣ ଉପସ୍ଥିତ ରହିଥିଲେ।
