ନୂଆଦିଲ୍ଲୀ, ୧୪ା୪: ଅଲ୍ ଇଣ୍ଡିଆ ମୁସ୍ଲିମ୍ ପର୍ସନାଲ ଲ’ ବୋର୍ଡ (ଏଆଇଏମ୍ପିଏଲ୍ବି)ର ଅଧ୍ୟକ୍ଷ ମୌଲାନା ରାବେ ହସ୍ନି ନଦ୍ଭିଙ୍କର ଗୁରୁବାର ଅପରାହ୍ନରେ ଲକ୍ଷ୍ନୌସ୍ଥିତ ଇସ୍ଲାମୀୟ ଶିକ୍ଷାନୁଷ୍ଠାନ ନାଦ୍ୱାତୁଲ ଉମଲାରେ ପରଲୋକ ହୋଇଯାଇଛି। ତାଙ୍କୁ ୯୩ ବର୍ଷ ହୋଇଥିଲା। ସେ ଦୀର୍ଘଦିନ ହେଲା ଅସୁସ୍ଥ ଥିଲେ। ନିମୋନିଆରେ ପୀଡ଼ିତ ହେବାରୁ ତାଙ୍କୁ ଗତ ୯ ତାରିଖରେ ରାଏବରେଲି ଘରୁ ଲକ୍ଷ୍ନୌକୁ ସ୍ଥାନାନ୍ତର କରାଯାଇଥିଲା। ନଦ୍ଭି ଗତ ୨୧ ବର୍ଷ ହେଲା ଏଆଇଏମ୍ପିଏଲ୍ବିର ଅଧ୍ୟକ୍ଷ ରହିଆସିଥିଲେ। ଶୁକ୍ରବାର ରାଏବରେଲିରେ ତାଙ୍କ ଶେଷକୃତ୍ୟ ସମ୍ପନ୍ନ ହେବ।