ନୂଆଦିଲ୍ଲୀ,୨୧ ।୮: ଆଫଗାନିସ୍ତାନରେ ଏବେ ତାଲିବାନ ରାଜ୍ । ଏବେ ସେଠାକାର ପରିସ୍ଥିତି ଏମିତି ବିଗିଡି ଯାଇଛି ଯେ ତାଲିବାନ ଭୟରେ ପାୟ ସମସ୍ତେ ଦେଶ ଛାଡିବାକୁ ପ୍ରସ୍ତୁତ ହେଉଛନ୍ତି । ଏହି କ୍ରମରେ ସେଠାରେ ଥିବା ଭାରତୀୟଙ୍କୁ ଉଦ୍ଧାର କରିବା ପାଇଁ ଭାରତୀୟ ବାୟୁସେନା ବି ଅପେକ୍ଷା କରିଛି । ଶନିବାର ୮୫ରୁ ଉର୍ଦ୍ଧ୍ୱ ଭାରତୀୟଙ୍କୁ ଧରି ବାୟୁସେନାର ସି-୧୩୦ଜେ ବିମାନ ଭାରତ ଅଭିମୁଖେ ଯାତ୍ରା କରିଛି । ଏହା ଇନ୍ଧନ ଭରିବାକୁ ତାଜିକିସ୍ତାନରେ ଅଟକି ରହିଥିବା ବେଳେ ଆଉ ଅଳ୍ପ ସମୟ ମଧ୍ୟରେ ଏମାନେ ଭାରତ ପହଞ୍ଚିବେ ବୋଲି କୁହାଯାଉଛି । ଇତିମଧ୍ୟରେ ଭାରତୀୟ ବୈଦେଶିକ ମନ୍ତ୍ରଣାଳୟର ଅଧିକାରୀ କାବୁଲରୁ ଦେଶର ନାଗରିକଙ୍କୁ ବାହାରକୁ ବାହାର କରିବାକୁ ଚେଷ୍ଟା ଜାରି ରଖିଛନ୍ତି । ଏହାରି ଭିତରେ ବାୟୁସେନାର ଏକ ସି-୧୭ ପରିବହନ ବିମାନ ବି ଉଡିବାକୁ ପ୍ରସ୍ତୁତ ହୋଇ ରହିଛି । ମିଳିଥିବା ବିଶେଷ ସୂତ୍ରର ସୂଚନା ଅନୁଯାୟୀ, ଆଫଗାନିସ୍ତାନରେ ତାଲିବାନ କବଜାରେ ଫସିରହି ଅପେକ୍ଷା କରିବା ପରେ ଭାରତୀୟ ନାଗରିକମାନେ ସ୍ୱଦେଶ ଫେରିଛନ୍ତି । ଗଣମାଧ୍ୟମ ସୂତ୍ରରୁ ଜଣାପଡିଛି କି ଅଧିକ ସଂଖ୍ୟକ ଭାରତୀୟ ଆଫଗାନର ରାଜଧାନୀ କାବୁଲର ବିମାନ ବନ୍ଦରରେ ପହଞ୍ଚିବା ପରେ ସେମାନଙ୍କୁ ତୁରନ୍ତ ସ୍ୱଦେଶ ପଠାଇ ଦିଆଯିବ ।
