କରୋନା ଟିକା ନେବାକୁ ମନା କରିବାରୁ ଜଣଙ୍କୁ ଚାକରିରୁ ବହିଷ୍କାର କଲା ବାୟୁସେନା

ନୂଆଦିଲ୍ଲୀ,୧୨।୮: କରୋନା ଟିକା ନେବାକୁ ମନା କରିବାରୁ ବାୟୁସେନା ଜଣେ କର୍ମଚାରୀଙ୍କୁ ଚାକିରିରୁ ବରଖାସ୍ତ କରିଛି। ଟିକାକରଣ ସେବାର ସର୍ତ୍ତାବଳୀରେ ଅନ୍ତର୍ଭୁକ୍ତ କରାଯାଇଥିଲା। ବାୟୁସେନାର କର୍ମଚାରୀ ଯୋଗେନ୍ଦ୍ର କୁମାରଙ୍କ ଆବେଦନ ଉପରେ ବୁଧବାର ହାଇକୋର୍ଟରେ ଦାଖଲ ହୋଇଥିବା ରିପୋର୍ଟରେ ଅତିରିକ୍ତ ସଲିସିଟର ଜେନେରାଲ ଦେବଙ୍ଗ ବ୍ୟାସ ଏହି ସୂଚନା ଦେଇଛନ୍ତି। ସେ ଜଷ୍ଟିସ ଏ.ଜେ ଦେଶାଇ ଏବଂ ଏପି ଠାକୁରଙ୍କ ଏକ ଡିଭିଜନ ବେଞ୍ଚକୁ କହିଛନ୍ତି ଯେ, ସାରା ଭାରତରେ ନଅ ଜଣ କର୍ମଚାରୀ ଟିକା ନେବାକୁ ମନା କରି ଦେଇଛନ୍ତି ଏବଂ ସମସ୍ତଙ୍କୁ କାରଣ ଦର୍ଶାଅ ନୋଟିସ ଜାରି କରାଯାଇଛି। ସେମାନଙ୍କ ମଧ୍ୟରୁ ଜଣେ ନୋଟିସକୁ କୌଣସି ପ୍ରତିକ୍ରିୟା ଦେଇନାହାଁନ୍ତି, ଯାହା ପରେ ତାଙ୍କୁ ସେବାରୁ ବହିଷ୍କାର କରାଯାଇଛି। ତେବେ ବହିଷ୍କାର ହୋଇଥିବା କର୍ମଚାରୀଙ୍କ ନାମ ପ୍ରକାଶ କରାଯାଇ ନାହିଁ। ଯେ ଟିକାକରଣ ବାୟୁସେନାର ସେବା ଅବସ୍ଥାରେ ଅନ୍ତର୍ଭୁକ୍ତ କରାଯାଇଛି। ଯାହା ସେବାରେ ଯୋଗଦେବା ସମୟରେ ନିଆଯାଇଥିବା ଶପଥ ସହିତ ଅନୁରୂପ ଅଟେ।