ନୂଆଦିଲ୍ଲୀ,୨୮।୭: ଭାରତୀୟ ବାୟୁ ସେନାର ସବୁଠାରୁ ବ୍ୟୟୋଜ୍ୟଷ୍ଠ ପାଇଲଟ ଅବସରପ୍ରାପ୍ତ ସ୍କ୍ବାର୍ଡନ ଲିଡର ଦଲିପ ସିଂ ମାଜିଥିଆ ମଙ୍ଗଳାବର ନିଜର ୧୦୦ ତମ ଜନ୍ମଦିନ ପାଳନ କରିଛନ୍ତି। ଏହି ଅବସରରେ ଏୟାର ଚିଫ୍ ମାର୍ଶଲ ଆର.କେ.ଏସ୍ ଭଦୌରିଆ ଦିଲୀପ ସିଂଙ୍କୁ ହାର୍ଦ୍ଧିକ ଶୁଭେଚ୍ଛା ଜଣାଇଛନ୍ତି। ୧୯୪୭ରେ ଯେତେବେଳେ ଭାରତ ସ୍ବାଧିନ ହୋଇଥିଲା ସେତେବେଳେ ଦିଲୀପ ସିଂ ଭାରତୀୟ ବାୟୁସେନାରୁ ଅବସର ନେଇଥିଲେ। ବର୍ତ୍ତମାନ ସେ ସର୍ବପୁରାତନ ଆଇଏଫ୍ ଯୁଦ୍ଧ ବିମାନ ପାଇଲଟ ହେବାର ଗୌରବ ଅର୍ଜନ କରିଛନ୍ତି। ଏୟାର ଚିଫ୍ ମାର୍ଶଲ ଭଦୌରିଆ ସମସ୍ତ ବାୟୁସେନା ଯୋଦ୍ଧାଙ୍କ ପକ୍ଷରୁ ଦିଲୀପ ସିଂହଙ୍କୁ ଅଭିନନ୍ଦନ ଜଣାଇବା ସହ ଟୁଇଟରରେ ତାଙ୍କର ଏକ ଭିଡିଓ ମଧ୍ୟ ଶେୟାର କରିଛନ୍ତି।