ଭବାନୀପାଟଣା,୧୬।୧୨(ସ୍ବ.ପ୍ର.): କଳାହାଣ୍ଡି ଜିଲାରେ ତୃତୀୟ ପର୍ଯ୍ୟାୟ ମୁଖ୍ୟମନ୍ତ୍ରୀଙ୍କ ବାୟୁ ସ୍ବାସ୍ଥ୍ୟ ସେବା ଯୋଜନା ଆରମ୍ଭ ହୋଇଛି। ତୃତୀୟ ପର୍ଯ୍ୟାୟରେ ୫ଜଣ ବିଶେଷଜ୍ଞ ଡାକ୍ତର ୧୩ରୁ ୧୫ ତାରିଖ ପର୍ଯ୍ୟନ୍ତ ୩ଦିନ ଧରି ରୋଗୀଙ୍କୁ ସ୍ବାସ୍ଥ୍ୟ ସେବା ଯୋଗାଇ ଆସିଥିଲେ। ୩ ଦିନ ମଧ୍ୟରେ ଜିଲା ମୁଖ୍ୟ ଚିକିତ୍ସାଳୟରେ ୪୦୭ଜଣ ରୋଗୀଙ୍କୁ ସ୍ବାସ୍ଥ୍ୟ ସେବା ଯୋଗାଇ ଦିଆଯାଇଥିବା ବେଳେ ୧୫ଜଣ ରୋଗୀଙ୍କ ଅସ୍ତ୍ରୋପଚାର ବିନା ମୂଲ୍ୟରେ କରାଯାଇଛି। ପ୍ରତି ତିନି ଏହି ସେବା ଜିଲାବାସୀ ପାଇପାରିବେ ବୋଲି ପ୍ରକାଶ କରିଛନ୍ତି ଜିଲା ମୁଖ୍ୟ ଚିକିତ୍ସାଅଧିକାରୀ। ୩ଦିନ ଧରି ଜିଲା ମୁଖ୍ୟ ଚିକିତ୍ସାଳୟରେ ୟୁରୋଲୋଜିି, କାର୍ଡିଓଲୋଜିି, ଗ୍ୟାଷ୍ଟ୍ରୋଲୋଜି, ଏଣ୍ଡୋପ୍ରାନୋଲୋଜି, ସର୍ଜିରି ଆଦି ବିଶେଷଜ୍ଞ ଡାକ୍ତରମାନେ ରହି ଦାୟିତ୍ୱ ତୁଲାଇଥିଲେ। ଗତ ୧୩ ତାରିଖରେ ବିମାନ ଯୋଗେ କଳାହାଣ୍ଡି ଜିଲା ଉତ୍କେଲା ବିମାନ ବନ୍ଦରରେ ପହଞ୍ଚତ୍ବା ପରେ ସେଠାରୁ କାର ଯୋଗେ ଆସି ଜିଲା ମୁଖ୍ୟ ଚିକିତ୍ସାଳୟରେ ୩ ଦିନ ଧରି ରୋଗୀଙ୍କୁ ସ୍ବାସ୍ଥ୍ୟ ସେବା ଯୋଗାଇ ଦେବା ପରାମର୍ଶ ଦେଇଛନ୍ତି। ଆସନ୍ତା ୩ ମାସ ପରେ ପୁଣି ଥରେ ଏହି ବିଶେଷଜ୍ଞ ଡାକ୍ତରମାନେ ଆସି ପୁଣି ଥରେ ନୂଆଁ ଓ ପୁରୁଣା ରୋଗୀଙ୍କ ଚିକିତ୍ସା କରିବେ ବୋଲି ଜିଲା ମୁଖ୍ୟ ଚିକିତ୍ସା ଅଧିକାରୀ ଡ଼ ରଞ୍ଜନ ମିତ୍ର ପ୍ରକାଶ କରିଛନ୍ତି। ଆଦିବାସୀ ଅଧ୍ୟୁଷିତ ଅଞ୍ଚଲରେ ଅନେକ ରୋଗୀ ବଡ଼ବଡ଼ ଡାକ୍ତରଖାନାକୁ ଯାଇପାରୁନାହାନ୍ତି। ଫଳରେ ଉଚ୍ଚ ସ୍ବାସ୍ଥ୍ୟସେବା ପାଇବାରୁ ବଞ୍ଚତ୍ତ ହେଉଥିବା ବେଳେ ମୁଖ୍ୟମନ୍ତ୍ରୀଙ୍କ ବାୟୁ ସ୍ବାସ୍ଥ୍ୟ ସେବା ଯୋଜନା ଯୋଗୁ ରୋଗୀ ଅନେକ ଉପକୃତ ହୋଇପାରିଥିବା ସିଡିଏମଓ କହିଛନ୍ତି।