ନୂଆଦିଲ୍ଲୀ,୨୮।୧୨: ଚାଇନାରେ କରୋନାର ନୂଆ ସଂକ୍ରମଣ ବଢୁଥିବା ନେଇ ଭାରତରେ ଏହାର ମୁକାବିଲା ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ଅଧିକାଂଶ ରାଜ୍ୟରେ କରୋନା କଟକଣା ଲାଗୁ କରାଯାଇଥିବା ବେଳେ ଏବେ ଏୟାର ଇଣ୍ଡିଆ ଏକ୍ସପ୍ରେସ ମଙ୍ଗଳବାର ୟୁଏଇ ଯାତ୍ରୀଙ୍କ ପାଇଁ କୋଭିଡ ଗାଇଡ୍ଲାଇନ୍ ଜାରି କରିଛି।
ସମସ୍ତ ୟୁଏଇ ଯାତ୍ରୀ କୋଭିଡ ଟିକା ନେଇଥିବା ଆବଶ୍ୟକ। ଏହା ବ୍ୟତିତ ମାସ୍କ, ସାମାଜିକ ଦୂରତା ରକ୍ଷା କରିବାକୁ ଗାଇଡ୍ଲାଇନ୍ରେ କୁହାଯାଇଛି। ଏୟାର ଇଣ୍ଡିଆ ଏକ୍ସପ୍ରେସ ଏକ ଟୁଇଟ୍ କହିଛି ଯେ, ବିମାନରେ ସମସ୍ତ ଯାତ୍ରୀ ମାସ୍କ ବ୍ୟବହାର କରିବା ସହ ସାମାଜିକ ଦୂରତା ଅନୁସରଣ କରିବା ଉଚିତ୍।