ନୂଆଦିଲ୍ଲୀ,୨୬।୮ : ବେସାମରିକ ବିମାନ ଚଳାଚଳ ନିର୍ଦ୍ଦେଶକ (ଡିଜିସିଏ) ର ଦୁଇ ସଦସ୍ୟ ବିଶିଷ୍ଟ ଯାଞ୍ଚ ଦଳ ଏୟାର ଇଣ୍ଡିଆର ଆଭ୍ୟନ୍ତରୀଣ ସୁରକ୍ଷା ଅଡିଟରେ ତ୍ରୁଟି ଦେଖାଦେଇଛି ଏବଂ ଏହାର ଅନୁସନ୍ଧାନ କରୁଛନ୍ତି। ଡିଜିସିଏରେ ଦାଖଲ ହୋଇଥିବା ଅଡିଟ ରିପୋର୍ଟ ଅନୁଯାୟୀ, ଏୟାର ଇଣ୍ଡିଆ ଏୟାରଲାଇନ୍ସ କ୍ୟାବିନ ସର୍ଭେଲାନ୍ସ, ମାଲ ପରିବହନ, ସାମଗ୍ରୀ ପରିବହନରେ ନିୟମିତ ସୁରକ୍ଷା ଯାଞ୍ଚ କରିବା ଆବଶ୍ୟକ ଥିଲା କିନ୍ତୁ ୧୩ ଟି ସୁରକ୍ଷା ପଏଣ୍ଟ ଯାଞ୍ଚ ବେଳେ ତ୍ରୁଟିଥିବା ଜଣାପଡିଛି।
ଦୁଇ ସଦସ୍ୟ ବିଶିଷ୍ଟ ଡିଜିସିଏ ଟିମ ଜୁଲାଇ ୨୫ ଏବଂ ୨୬ରେ ହରିୟାଣାର ଗୁରୁଗ୍ରାମରେ ଥିବା ଏୟାର ଇଣ୍ଡିଆର କାର୍ଯ୍ୟାଳୟ ପରିଦର୍ଶନ କରିଥିଲେ ଏବଂ ପରବର୍ତ୍ତୀ ରିପୋର୍ଟରେ ହୋଇଥିବା ତ୍ରୁଟି ବିଷୟରେ ସୂଚିତ କରିଥିଲେ।
ଦଳ ଏହାର ରିପୋର୍ଟରେ କହିଛି ଯେତେବେଳେ ସିସିଟିଭି, ରେକର୍ଡିଂ, ଅଡିଟ ହୋଇଥିବା ବ୍ୟକ୍ତିଙ୍କ ବିବୃତ୍ତି, ସିଫ୍ଟ ରେଜିଷ୍ଟର ଡକ୍ୟୁମେଣ୍ଟ, ଜିଡି (ସାଧାରଣ ଘୋଷଣାନାମା) ତାଲିକା, ଯାତ୍ରୀଙ୍କ ସବିଶେଷ ତାଲିକା ସହିତ ତୁଳନା କରାଯାଏ, ସେତେବେଳେ ଉପରୋକ୍ତ ୧୩ ଟି ତ୍ରୁଟି ଦର୍ଶାଯାଇଛି। ମୁମ୍ବାଇ, ଗୋଆ ଏବଂ ଦିଲ୍ଲୀ ଷ୍ଟେଶନରେ ଏହି ଅନୁସନ୍ଧାନ କରାଯାଇଥିଲାବେଳେ ବାସ୍ତବରେ ଏହା କରାଯାଇ ନ ଥିଲା।
ଯାଞ୍ଚ ଦଳ ଜାଣିବାକୁ ପାଇଲେ ଏହି ରିପୋର୍ଟଗୁଡିକ ଡିଜିସିଏ ଦଳଙ୍କ ଚାହିଦା ଅନୁଯାୟୀ ପ୍ରସ୍ତୁତ ହୋଇଛି ଏବଂ ଏହି ରିପୋର୍ଟଗୁଡିକ ମିଥ୍ୟା ବୋଲି କହିଛି। ଡିଜିସିଏ ମହାନିର୍ଦ୍ଦେଶକ ବିକ୍ରମ ଦେବ ଦତ୍ତଙ୍କ ସହ ଯୋଗାଯୋଗ କରି ସେ କହିଛନ୍ତି ନିୟାମକ ଏହି ଘଟଣାର ଅନୁସନ୍ଧାନ କରୁଛନ୍ତି।