ଲଣ୍ଡନ,୨୦।୨: ଏୟାର ଇଣ୍ଡିଆର ନ୍ୟୁୟର୍କ-ଦିଲ୍ଲୀ ବିମାନ (ଏଆଇ-୧୦୨)ସୋମବାର ଲଣ୍ଡନରେ ଜରୁରୀ ଅବତରଣ କରିଛି। ମେଡିକାଲ ଜରୁରୀକାଳୀନ ପରିସ୍ଥିତି ଯୋଗୁ ଏହି ନିଷ୍ପତ୍ତି ନିଆଯାଇଥିଲା। ଏୟାର ଇଣ୍ଡିଆର ଜଣେ ଅଧିକାରୀ ନ୍ୟୁଜ ଏଜେନ୍ସିକୁ ସୂଚନା ଦେଇ କହିଛନ୍ତି, ବିମାନରେ ମେଡିକାଲ ଜରୁରୀକାଳୀନ ପରିସ୍ଥିତି କାରଣରୁ ନ୍ୟୁୟର୍କରୁ ନୂଆଦିଲ୍ଲୀ ଯାଉଥିବା ଏଆଇ-୧୦୨କୁ ଲଣ୍ଡନକୁ ଡାଇଭର୍ଟ କରାଯାଇ ଜରୁରୀ ଅବତରଣ କରାଯାଇଥିଲା। ହେଥ୍ରୋରେ ଗ୍ରାଉଣ୍ଡ କର୍ମଚାରୀଙ୍କୁ ସତର୍କ କରାଯିବା ସହ ସମ୍ପୃକ୍ତ ବ୍ୟକ୍ତିଙ୍କୁ ଡାକ୍ତରଖାନା ନେବାକୁ ପ୍ରସ୍ତୁତି କରାଯାଇଥିଲା।