ନୂଆଦିଲ୍ଲୀ,୧୧।୨: ଟାଟା ସନ୍ସ ମାଲିକାନାରେ ଥିବା ଏୟାର ଇଣ୍ଡିଆ ୫୦୦ ବିମାନ କିଣିବ। ଏୟାରଲାଇନ୍ସର ଏହି ସର୍ବବୃହତ୍ ଅର୍ଡର ଚୂଡ଼ାନ୍ତ ହୋଇଥିବା ଜଣାପଡ଼ିଛି। ଅର୍ଡର ମଧ୍ୟରେ ୪୩୦ଟି ସଂକୀର୍ଣ୍ଣ ବଡ଼ି ଏବଂ ୭୦ଟି ବିସ୍ତୀର୍ଣ୍ଣ ବଡ଼ି ବିମାନ। ଆଗାମୀ ୭ରୁ ୮ ବର୍ଷ ମଧ୍ୟରେ ଏହି ବିମାନ ଏୟାର ଇଣ୍ଡିଆକୁ ମିଳିଯିବ। ୨୧୦ଟି ଏୟାରବସ୍ ଏ୩୨୦ ନିଓ ଫାମିଲିର ବିମାନ ଆସିବାକୁ ଥିବାବେଳେ ୧୯୦ଟି ବୋଇଂ ୭୩୭ ମାକ୍ସ, ୪୦ଟି ଏ୩୫୦, ୨୦ଟି ବି୭୮୭ ଏବଂ ୧୦ଟି ବି୭୭୭ଏକ୍ସ ବିମାନ କିଣାଯିବ। ବିମାନ କିଣା ବାବଦରେ ୧୫୦ ବିଲିୟନ ଡଲାର ବ୍ୟୟ ହେବ। ଟାଟା ଗ୍ରୁପ୍ ଏହି ବିମାନ ନିର୍ମାଣ ଲାଗି ଇଞ୍ଜିନର ଉପକରଣ ଉତ୍ପାଦନକାରୀମାନଙ୍କ ସହ ଚୁକ୍ତି ସ୍ବାକ୍ଷର କରିଛି।