ନୂଆଦିଲ୍ଲୀ,୨୮।୨ : ଟାଟା ଗ୍ରୁପ ଦ୍ୱାରା ପରିଚାଳିତ ଏୟାର ଇଣ୍ଡିଆ ନିକଟରେ ବିଦେଶୀ କମ୍ପାନୀଠାରୁ ୪୭୦ ବିମାନ କିଣିବ ବୋଲି ଅର୍ଡର ଦେଇଥିବା ଜଣାପଡିଛି। ଘରୋଇ ବିମାନ ନିର୍ମାଣକାରୀ ସଂସ୍ଥା ଏୟାରବସ୍ ଏବଂ ବୋଇଂରୁ ୪୭୦ ବିମାନ ପାଇଁ ଏୟାର ଇଣ୍ଡିଆର ଅର୍ଡର ମୂଲ୍ୟ ପ୍ରାୟ ୭୦ ବିଲିୟନ ଡଲାର ହେବ ବୋଲି କମ୍ପାନୀର ସିଇଓ କ୍ୟାମ୍ପବେଲ ୱିଲସନ ମତପ୍ରକାଶ କରିଛନ୍ତି। ସୋମବାର ଏକ ଭର୍ଚୁଆଲ୍ ସମ୍ମିଳନୀକୁ ସମ୍ବୋଧିତ କରି କ୍ୟାମ୍ପବେଲ କହିଛନ୍ତି, ଏୟାର ଇଣ୍ଡିଆ ସହ ଭିଷ୍ଟାରର ଏକୀକରଣ ପ୍ରକ୍ରିୟା ଚାଲିଛି ଏବଂ ବର୍ତ୍ତମାନ ନିୟାମକ ସଂସ୍ଥାଗୁଡ଼ିକର ଅନୁମୋଦନକୁ ଅପେକ୍ଷା କରାଯାଇଛି। ଫଳରେ କମ୍ପାନୀର ଆଭ୍ୟନ୍ତରୀଣ ନଗଦ ପ୍ରବାହ, ଶେୟାରହୋଲଡର ଇକ୍ୱିଟି ଏବଂ ବିମାନ ବିକ୍ରୟ ଏବଂ ଲିଜବ୍ୟାକ୍ ସମେତ ଅନେକ ଉତ୍ସର ମିଶ୍ରଣ ସହ ଉକ୍ତ ପାଣ୍ଠି ପ୍ରଦାନ କରିବାକୁ ପ୍ରକ୍ରିୟା ଜାରି ସହ ବିଭିନ୍ନ ଯୋଜନା କରାଯାଉଛି।