ଲଣ୍ଡନ,୧୯।୨ : ବ୍ୟାଙ୍କକରୁ ହିଥ୍ରୋ ଅଭିମୁଖେ ଯାଉଥିବା ଏକ ଥାଇ ଏୟାରୱେଜ ବିମାନରେ ଟଏଲେଟ ଭାଙ୍ଗିବା ପରେ ଜଣେ ଯାତ୍ରୀ ଏୟାର ଷ୍ଟିୱାର୍ଡ (ବିମାନ କର୍ମଚାରୀ)ଙ୍କୁ ପିଟିଥିଲେ। ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବାରେ ଲାଗିଛି। ଏହି ଘଟଣା ୭ ଫେବୃଆରୀର। ୩୫ ବର୍ଷୀୟ ଯାତ୍ରୀ ଏୟାର ଷ୍ଟିୱାର୍ଡକୁ ଏତେ ଜୋରରେ ପିଟିଥିଲେ ଯେ ସେ ବିମାନ ଚଟାଣରେ ପଡ଼ିଯାଇଥିଲେ।
ଏହି ଘଟଣା ପରେ ବିମାନରେ ଉପସ୍ଥିତ ଥିବା ଅନ୍ୟ ଯାତ୍ରୀମାନେ ଭୟଭୀତ ହୋଇ ଯାଇଥିଲେ। ଅନ୍ୟ କର୍ମଚାରୀ ଯାତ୍ରୀଙ୍କୁ ଅଟକାଇବାକୁ ଚେଷ୍ଟା କରିଥିଲେ। ନିକଟସ୍ଥ ସିଟରେ ବସିଥିବା ଜଣେ ମହିଳା ଏହି ଘଟଣାର ଏକ ଭିଡିଓ ପ୍ରସ୍ତୁତ କରିଛନ୍ତି ଏବଂ ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ମହିଳା ଜଣକ କହିଥିଲେ, ସେ ଟଏଲେଟରେ ଥିଲେ ଏବଂ ହଠାତ ପାଟି କରିବାକୁ ଲାଗିଲେ। ଏହା ପରେ ସେ କବାଟ ଭାଙ୍ଗିବାକୁ ଚେଷ୍ଟା କରିବା ଆରମ୍ଭ କଲେ। ଏହି ସମୟରେ ଜଣେ ବୃଦ୍ଧ ତାଙ୍କୁ ଟଏଲେଟରୁ ବାହାର କରିବାରେ ସାହାଯ୍ୟ କରିଥିଲେ। ବାହାରକୁ ଆସିବା ପରେ ସେ ବିମାନ କର୍ମଚାରୀଙ୍କୁ ମାଡ ମାରିଥିଲେ।
ଏହି ଘଟଣା ମଧ୍ୟରେ ଯାତ୍ରୀମାନଙ୍କୁ ଚେତାବନୀ ଦିଆଯାଇଥିଲା ଯେ ଯଦି ବ୍ୟକ୍ତି ଶାନ୍ତ ନ ହୁଅନ୍ତି ତେବେ ବିମାନଟି ଦୁବାଇ ଆଡକୁ ଯିବ। ତେବେ ବିମାନଟି ଯାତ୍ରା ଜାରି ରଖିବାରେ ସକ୍ଷମ ହୋଇଥିଲା।
ଲଣ୍ଡନରେ ଅବତରଣ କରିବା ପରେ ବ୍ୟକ୍ତି ଜଣଙ୍କୁ ପୋଲିସକୁ ହସ୍ତାନ୍ତର କରାଯାଇଥିଲା। ବିମାନ ଅବତରଣ କରିବା ପରେ ଜଣେ ବିମାନ କର୍ମଚାରୀଙ୍କୁ ଶାରୀରିକ କ୍ଷତି ପହଞ୍ଚାଇବା ସହ ବିମାନକୁ ବିପଦରେ ପକାଇବାକୁ ଉଦ୍ୟମ କରିଥିବା ଅଭିଯୋଗରେ ତାଙ୍କୁ ଗିରଫ କରାଯାଇଥିଲା ବୋଲି ପୋଲିସ କହିଛି। ଅଭିଯୁକ୍ତଙ୍କୁ ବର୍ତ୍ତମାନ ଜେଲରେ ରଖାଯାଇଛି। ବିମାନ କର୍ମଚାରୀ ଏବଂ ଅନ୍ୟ ଜଣେ ଯାତ୍ରୀଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଇଛି।