ବ୍ୟାଙ୍କକ,୧୨।୩ : ଥାଇଲାଣ୍ଡରେ ବାୟୁ ପ୍ରଦୂଷଣ ଯୋଗୁ ସଙ୍କଟ ସୃଷ୍ଟି ହୋଇଛି। ଏହା ଯୋଗୁ ଆକାଶରେ କୁହୁଡ଼ିର ଏକ ଆସ୍ତରଣ ବ୍ୟାପିଛି। ଲୋକମାନେ ବିଷାକ୍ତ ବାୟୁରେ ନିଃଶ୍ୱାସ ନେବାକୁ ବାଧ୍ୟ ହେଉଛନ୍ତି । ଦେଶରେ ବାୟୁ ପ୍ରଦୂଷଣ ଏତେ ଖରାପ ହୋଇଛି ଯେ ସପ୍ତାହକ ମଧ୍ୟରେ ୨ ଲକ୍ଷରୁ ଅଧିକ ଲୋକ ଅସୁସ୍ଥ ହୋଇପଡିଛନ୍ତି। ସମସ୍ତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ରାଜଧାନୀ ବ୍ୟାଙ୍କକ ମଧ୍ୟ ବିଷାକ୍ତ ଧୂଆଁରେ ଆଚ୍ଛାଦିତ ହୋଇ ରହିଛି।
ଥାଇଲାଣ୍ଡରେ ପ୍ରାୟ ୧୧ ନିୟୁତ ଲୋକ ବାସ କରନ୍ତି ଏବଂ ଏହା ବିଶ୍ୱର ସବୁଠାରୁ ଲୋକପ୍ରିୟ ପର୍ଯ୍ୟଟନ ସ୍ଥଳୀ ଭାବରେ ପରିଗଣିତ ହୁଏ। କିନ୍ତୁ ଯାନବାହାନରୁ ନିଷ୍କାସନ, ଶିଳ୍ପ ନିର୍ଗମନ ଏବଂ ନଡ଼ା ଜାଳିବା ଆଦି କାର୍ଯ୍ୟ ଦେଶକୁ ବିଷାକ୍ତ ବାୟୁରେ ଘୋଡାଇ ଦେଇଛି। ଜନସ୍ବାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ବର୍ଷ ଆରମ୍ଭରୁ ବାୟୁ ପ୍ରଦୂଷଣ ଯୋଗୁ ୧.୩ ମିଲିୟନରୁ ଅଧିକ ଲୋକ ଅସୁସ୍ଥ ହୋଇପଡିଛନ୍ତି।
ଜନସ୍ବାସ୍ଥ୍ୟ ମନ୍ତ୍ରଣାଳୟର ଡାକ୍ତର କ୍ରିଆଙ୍ଗକ୍ରାଇ ନାମଥାଇସଙ୍ଗ ଶିଶୁ ଏବଂ ଗର୍ଭବତୀ ମହିଳାମାନଙ୍କୁ ଘର ଭିତରେ ରହିବାକୁ ଅନୁରୋଧ କରିଛନ୍ତି। ସେ କହିଛନ୍ତି ଯେ ବାହାରକୁ ଯାଉଥିବା ବ୍ୟକ୍ତି ଉଚ୍ଚମାନର ଏନ-୯୫ ପ୍ରଦୂଷଣ ବିରୋଧୀ ମାସ୍କ ପିନ୍ଧିବା ଉଚିତ। ଜାନୁଆରୀ ଶେଷ ତଥା ଫେବୃଆରୀ ପ୍ରାରମ୍ଭରେ ବାୟୁ ପ୍ରଦୂଷଣର ଖରାପ ସ୍ତର ଯୋଗୁ ବିଭିନ୍ନ କମ୍ପାନୀୀ ଅଧିକାରୀମାନଙ୍କୁ ଲୋକଙ୍କୁ ଓ୍ବାର୍କ ଆଟ ହୋମ୍ କରିବାକୁ ଅନୁରୋଧ କରିଥିଲା।
ଗତ ବର୍ଷ ସହରର ପରିବେଶରେ ଉନ୍ନତି ଆଣିବାକୁ ପ୍ରତିଶ୍ରୁତି ଦେଇ ନିର୍ବାଚିତ ହୋଇଥିବା ବ୍ୟାଙ୍କକ ଗଭର୍ନର ଚାଡଚାର୍ଟ ସିତୁପଣ୍ଟଙ୍କ ମୁଖପାତ୍ର କହିଛନ୍ତି ଯେ ଯଦି ଅବସ୍ଥା ବିଗିଡିଯାଏ ତେବେ ସେ ଅନ୍ୟ ଏକ ଆଦେଶ ଜାରି କରାଯିବ। ଛୋଟ ପିଲାମାନଙ୍କ ସୁରକ୍ଷା ପାଇଁ ଏୟାର ପ୍ୟୁରିଫାୟର ସ୍ଥାପନ କରିବା ସହିତ ଯାନ ନିର୍ଗମନ ଉପରେ ନଜର ରଖିବା ପାଇଁ ସ୍ବତନ୍ତ୍ର ନୋ ଡଷ୍ଟ ରୁମ୍ ମଧ୍ୟ ସ୍ଥାପନ କରାଯାଇଛି।
