ବାୟୁ ପ୍ରଦୂଷଣ ପ୍ରଭାବ: ସହର ଅପେକ୍ଷା ଗାଁରେ ଅଧିକ ପୀଡ଼ିତ: ଆୟୁ କମୁଛି ପ୍ରାୟ ୯ ମାସ…

ନୂଆଦିଲ୍ଲୀ,୧୭।୭ : ବୈଜ୍ଞାନିକମାନେ ବିଶ୍ଳେଷଣ ପରେ ଜାଣିବାକୁ ପାଇଛନ୍ତି ବାୟୁ ପ୍ରଦୂଷଣ ଗ୍ରାମ ଏବଂ ସହରକୁ ପ୍ରାୟ ସମାନ ଭାବରେ ପ୍ରଭାବିତ କରିଥାଏ। କିନ୍ତୁ ପ୍ରଦୂଷଣ ନିୟନ୍ତ୍ରଣ ପାଣ୍ଠି କେବଳ ସହରାଞ୍ଚଳ ପାଇଁ ରହିଛି। ସହରବାସୀଙ୍କ ତୁଳନାରେ, ବାୟୁ ପ୍ରଦୂଷଣର ସଂସ୍ପର୍ଶରେ ଆସିବା ପରେ ଗ୍ରାମାଞ୍ଚଳରେ ଆୟୁ ପ୍ରାୟ ନଅ ମାସ କମିଯାଉଛି।

୨୦୨୨ ମସିହାରେ ଅତ୍ୟଧିକ ବିଷାକ୍ତ ବାୟୁ ପ୍ରଦୂଷଣକାରୀ ଅଲ୍ଟ୍ରାଫାଇନ ପାର୍ଟିକ୍ୟୁଲେଟ ପଦାର୍ଥ (ପିଏମ) ୨.୫ ର ବାର୍ଷିକ ହାରାହାରି ଗ୍ରାମାଞ୍ଚଳରେ ସହରାଞ୍ଚଳ ପରି ଖରାପ ଥିଲା। ଆଇଆଇଟି ଦିଲ୍ଲୀର ବୈଜ୍ଞାନିକମାନେ ଉପଗ୍ରହ ଭିତ୍ତିକ ତଥ୍ୟ ଉପରେ ଆଧାର କରି ଅଣ-ଲାଭ ଜଳବାୟୁ ଟ୍ରେଣ୍ଡ ଦ୍ୱାରା ଏହି ବିଶ୍ଳେଷଣ କରୀଥିଲେ। ବିଶ୍ଳେଷଣ ଅନୁଯାୟୀ, ବାୟୁ ପ୍ରଦୂଷଣ ପ୍ରଭାବରେ ସହର ଅପେକ୍ଷା ଗାଁରେ ଅଧିକ ଲୋକ ପୀଡ଼ିତ ହେଉଛନ୍ତି।

ନିକଟରେ ହୋଇଥିବା ଏକ ଅଧ୍ୟୟନରୁ ଜଣାପଡିଛି ଜନସଂଖ୍ୟାର ୪୭ ପ୍ରତିଶତ ଲୋକ ବାୟୁ ଗୁଣବତ୍ତା ନେଟୱାର୍କ ବାହାରେ ରହୁଥିବାବେଳେ ୬୨ ପ୍ରତିଶତ ଲୋକ ସ୍ଥାନୀୟ ବାୟୁ ଗୁଣବତ୍ତା ସୂଚକାଙ୍କର ଦୈନିକ ଆଲର୍ଟ ପାଇପାରୁ ନାହାନ୍ତି। ଉତ୍ତରପ୍ରଦେଶ ଗ୍ରାମବାସୀମାନେ ଗତ ୮ ବର୍ଷ ମଧ୍ୟରେ ଅଧିକ କ୍ଷୟକ୍ଷତି ହୋଇଥିବାବେଳେ ବିହାର, ପଶ୍ଚିମବଙ୍ଗ ଏବଂ ହରିୟାଣାର ଗ୍ରାମବାସୀମାନେ ହାରାହାରି ୭ ବର୍ଷ ଧରି କ୍ଷତି ସହୁଛନ୍ତି।