ଢାକା,୧୦ା୯: ବାଂଲାଦେଶ ରାଜଧାନୀ ଢାକାରେ ବାୟୁର ଗୁଣବତ୍ତା ଦିନକୁ ଦିନ ଖରାପ ହେବାରେ ଲାଗିଛି। ଏଠାରେ ବାୟୁ ଗୁଣବତ୍ତା ଶନିବାର ଅତ୍ୟନ୍ତ ଅସ୍ବାସ୍ଥ୍ୟକର ହୋଇପଡ଼ିଛି। ଦୁନିଆର ଅନ୍ୟତମ ପ୍ରଦୂଷିତ ସହର ମଧ୍ୟରୁ ଢାକାରେ ବାୟୁ ଗୁଣବତ୍ତା ସୂଚକାଙ୍କ ୧୬୦ (AQI) ରେକର୍ଡ କରିଛି। ଦୁନିଆର ଅଧିକାଂଶ ପ୍ରଦୂଷିତ ସହର ତାଲିକାରେ ଢାକା ଚତୁର୍ଥ ସ୍ଥାନରେ ରହିଛି। ଏହା ସହିତ ପାକିସ୍ତାନର ଲାହୋର ବାୟୁ ଗୁଣବତ୍ତା ସୂଚକାଙ୍କ ୧୮୦ ସହିତ, କରାଚିରେ ୧୬୯ ସୂଚକାଙ୍କ, ଏବଂ ଚାଇନାର ଉହାନ ସହରରେ ବାୟୁ ଗୁଣବତ୍ତା ସୂଚକାଙ୍କ ୧୬୧ ରହିଛି।
ସୂଚନାନୁଯାୟୀ, ୧୦୧ରୁ ୨୦୦ ମଧ୍ୟରେ ବାୟୁ ଗୁଣବତ୍ତା ସୂଚକାଙ୍କକୁ ‘ଅସ୍ବାସ୍ଥ୍ୟକର’ ବିବେଚନା କରାଯାଏ। ଏହା ଲୋକଙ୍କୁ ଅଧିକ ବିପଦରେ ପକାଇଥାଏ।ସେହିଭଳି ୨୦୧ରୁ ୩୦୦ମଧ୍ୟରେ ଅଧିକ ଖରାପ ବୋଲି କୁହାଯାଏ। ଯେତେବେଳେ ବାୟୁର ସୂଚକାଙ୍କ ୩୦୧ରୁ ୪୦୦ ହୋଇଥାଏ ସେତେବେଳେ ଏହାକୁ ‘ବିପଜ୍ଜନକ’ ବୋଲି ବିବେଚନା କରାଯାଏ। ଢାକା ଦୀର୍ଘଦିନ ଧରି ଏପରି ବାୟୁ ପ୍ରଦୂଷଣ ବଳୟରେ ରହିଆସୁଛି।
