ଇଟାନଗର,୧୯।୧୦: ଅରୁଣାଚଳପ୍ରଦେଶକୁ ଲାଗିି ରହିଥିବା ଏଲ୍ଏସିରେ ଚାଇନା ସୈନ୍ୟଙ୍କ ଉପରେ ନଜର ରଖିବା ପାଇଁ ଏୟାର ସର୍ଭେଲାନ୍ସ୍ ସିଷ୍ଟମ ପ୍ରସ୍ତୁତ କରାଯାଇଛି। ଏନେଇ ଆଭିଏଶନ ବ୍ରିିଗେଡ ଗଠନ କରାଯାଇଛି। ବ୍ରିଗେଡରେ ଡ୍ରୋନ୍କୁ ସାମିଲ କରାଯାଇଛି। ଆକାଶ ମାର୍ଗରୁ ଡ୍ରୋନ୍ ଦ୍ୱାରା ସୀମାରେ ଚାଇନା ସୈନ୍ୟଙ୍କ ଗତିବିଧି ଉପରେ ସତର୍କ ଦୃଷ୍ଟି ରଖାଯିବ।
ବ୍ରିଗେଡ୍ରେ ଇସ୍ରାଏଲର ହେରୋନ ଡ୍ରୋନ୍, ହେଲିକପ୍ଟର ଆଦିକୁ ସାମିଲ କରାଯାଇଛି। ଆବଶ୍ୟକ ସ୍ଥଳେ ଆକ୍ରମଣାତ୍ମକ ପଦକ୍ଷେପ ଗ୍ରହଣ କରିବାକୁ ମଧ୍ୟ ଯୋଜନା ପ୍ରସ୍ତୁତ କରାଯାଇଛି। ଚାଇନା ଏବଂ ଅରୁଣାଚଳ ପ୍ରଦେଶ ମଧ୍ୟରେ ଦୀର୍ଘ ୧୨୦୦ କିଲୋମିଟରର ଏଲ୍ଏସି ରହିଛି। ଏଲ୍ଏସିରେ ଭାରତ ଚାଇନା ମଧ୍ୟରେ ଦୀର୍ଘ ୧୮ ମାସ ଧରି ଉତ୍ତେଜନା ଜାରି ରହିଛି। ତେବେ ଭାରତୀୟ ସେନା ପକ୍ଷରୁ ଯେକୌଣସି ସ୍ଥିତିର ମୁକାବିଲା ପାଇଁ ପ୍ରସ୍ତୁତି ଶେଷ ହୋଇଛି।
ସମୁଦ୍ର ପତ୍ତନଠାରୁ ୩୦ହଜାର ଫୁଟ ଉଚ୍ଚତାରେ ଏଲ୍ଏସି ଉପରେ ଡ୍ରୋନ୍ ୨୪ରୁ ୩୦ ଘଣ୍ଟା ଆକାଶ ମାର୍ଗରୁ ନଜର ରଖିବ। ହେରୋନ ଡ୍ରୋନ୍ ଭୂପୃଷ୍ଠରୁ ୨୦ରୁ୨୫ କିଲୋମିଟର ଉପରେ ଉଡ଼ି ସୀମା ପାର୍ ଗତିବିଧି ଉପରେ ଦୃଷ୍ଟି ରଖିବ।