ଲୁଇସ୍ ଭିଟୋନ୍ ମେନ୍ସଓ୍ବେର୍ର ଆର୍ଟିଷ୍ଟିକ୍ ଡାଇରେକ୍ଟର ଭିର୍ଗିଲ ଅବ୍ଲୋହ ଡିଜାଇନ୍ କରିଛନ୍ତି ଏକ ନୂଆ ହ୍ୟାଣ୍ଡବ୍ୟାଗ୍। ପୁରୁଷଙ୍କ ପାଇଁ ଉଦ୍ଦିଷ୍ଟ ଏହି ହ୍ୟାଣ୍ଡବ୍ୟାଗ୍ ଦେଖିବାକୁ ଏରୋପ୍ଲେନ୍ ପରି। ଆଉ ଜାଣି ଆଶ୍ଚର୍ଯ୍ୟ ହେବେ ଏହାର ମୂଲ୍ୟ ସିଙ୍ଗଲ୍ ଇଞ୍ଜିନ୍ ବିଶିଷ୍ଟ ଏରୋପ୍ଲେନ୍ଠାରୁ ବି ଅଧିକ। ପ୍ରାୟ ୩୯୦୦୦ଡଲାର ବା ପ୍ରାୟ ୨୯, ୧୫, ୪୪୫ ଟଙ୍କା ହେଉଛି ଏହାର ଦାମ। ଏଥିରେ ଲୁଇସ୍ ଭିଟୋନ୍ର ଆଇକୋନିକ୍ ମୋନୋଗ୍ରାମ ଦେଖିବାକୁ ମିଳେ। ସତସତିକା ଏରୋପ୍ଲେନ୍ ଭଳି ଏହି ବ୍ୟାଗର ଓ୍ବିଙ୍ଗସ୍, ଟେଲ୍ ବି ଅଛି। ଆଉ ଏହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।