ଲଣ୍ଡନ,୧୮ା୩: ଲଣ୍ଡନର ହେଥ୍ରୋ ବିମାନବନ୍ଦରରେ ସୁରକ୍ଷାକର୍ମୀମାନେ ୧୦ ଦିନ ପର୍ଯ୍ୟନ୍ତ ଧର୍ମଘଟ କରିବେ। ଦରମା ବୃଦ୍ଧି ଦାବିରେ ସମସ୍ତ କର୍ମଚାରୀ ଏହି ଧର୍ମଘଟ କରିବାକୁ ନିଷ୍ପତ୍ତି ନେଇଛନ୍ତି। ୟୁନିଅନ ୟୁନିଟ୍ କହିଛି, ୟୁରୋପର ଅନ୍ୟତମ ବ୍ୟସ୍ତବହୁଳ ବିମାନବନ୍ଦର ହେଥ୍ରୋ ବିମାନବନ୍ଦରରେ କାର୍ଯ୍ୟ କରୁଥିବା ୧୪୦୦ରୁ ଅଧିକ ସୁରକ୍ଷାକର୍ମୀ ଅଧିକ ବେତନ ଦାବି କରି ମାର୍ଚ୍ଚ ୩୧ରୁ ଏପ୍ରିଲ ୯ ପର୍ଯ୍ୟନ୍ତ ଧର୍ମଘଟ କରିବେ।
ୟୁନିଟ୍ କହିଛି, ଧର୍ମଘଟରେ ସାମିଲ ହେବାକୁ ଯାଉଥିବା କର୍ମଚାରୀମାନେ ବିମାନବନ୍ଦରରେ ପ୍ରବେଶ କରୁଥିବା ସମସ୍ତ ମାଲ ଯାଞ୍ଚ କରନ୍ତି। ଏହି ସମୟରେ ବ୍ରିଟେନରେ ଦୁଇ ସପ୍ତାହ ସ୍କୁଲ ଛୁଟି ହେବ। ତେବେ ଧର୍ମଘଟ ସମୟରେ ଇଂଲଣ୍ଡ ବୁଲିବାକୁ ଆସୁଥିବା ପର୍ଯ୍ୟଟକମାନେ ଅସୁବିଧାର ସମ୍ମୁଖୀନ ହୋଇପାରନ୍ତି।
