ମୁମ୍ବାଇ: ଏୟାରଟେଲ୍ ପକ୍ଷରୁ ଗ୍ରାହକଙ୍କ ପାଇଁ ବିଶେଷ ସୁବିଧା ସମ୍ପର୍କରେ ଘୋଷଣା କରାଯାଇଛି। କମ୍ପାନୀ ୫୫ ନିୟୁତରୁ ଅଧିକ ନିମ୍ନ ଆୟବର୍ଗର ଗ୍ରାହକଙ୍କୁ ଏହାର ୪୯ ଟଙ୍କାର ପ୍ୟାକ୍ ମାଗଣାରେ ଯୋଗାଇଦେବ। ଏହା ୨୮ ଦିନର ବୈଧତା ସହିତ ୩୮ ଟଙ୍କାର ଟକ୍ଟାଇମ୍ ଏବଂ ୧୦୦ ଏମ୍ବି ଡାଟା ପ୍ରଦାନ କରୁଛି। ଏହି ପ୍ରୟାସ ମାଧ୍ୟମରେ ୫୫ ମିଲିୟନରୁ ଅଧିକ ଗ୍ରାହକ, ମୁଖ୍ୟତଃ ଗ୍ରାମାଞ୍ଚଳରେ, ସଂଯୁକ୍ତ ରହିବାକୁ ଏବଂ ଆବଶ୍ୟକ ସମୟରେ ଗୁରୁତ୍ୱପୂର୍ଣ୍ଣ ସୂଚନା ପାଇବାକୁ ସକ୍ଷମ ହେବେ। ଦେଶରେ ଜାରି ରହିଥିବା ମହାମାରୀ ମଧ୍ୟରେ ନିମ୍ନ ଆୟ ବର୍ଗର ଗ୍ରାହକଙ୍କୁ ସଂଯୁକ୍ତ ରଖିବାରେ ସାହାଯ୍ୟ କରିବ। ସେହିଭଳି କମ୍ପାନୀର ୭୯ ଟଙ୍କାର ରିଚାର୍ଜ କୁପନ କିଣୁଥିବା ଏୟାରଟେଲ୍ ପ୍ରିପେଡ୍ ଗ୍ରାହକମାନେ ବର୍ତ୍ତମାନ ଏହାର ଦୁଇଗୁଣ ଫାଇଦା ପାଇବେ। ଏହି ଫାଇଦାଗୁଡ଼ିକ ଆସନ୍ତା ସପ୍ତାହରେ ଏୟାରଟେଲ୍ ଗ୍ରାହକଙ୍କ ପାଇଁ ଉପଲବ୍ଧ ହେବାକୁ ଯାଉଛି।