ମୁମ୍ବାଇ: ‘କାନ୍ସ’ ଫିଲ୍ମ ଫେଷ୍ଟିଭାଲରେ ନୀଳନୟନା ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଉପସ୍ଥିତି ସବୁବେଳେ ଚର୍ଚ୍ଚାରେ ରହିଥାଏ। ସେ ତାଙ୍କ ବୋଲ୍ଡ ବାଇଗଣୀ ରଙ୍ଗର ଲିପ୍ଷ୍ଟିକ ହେଉ କିମ୍ବା ପ୍ରଜାପତି ଗାଉନ ପିନ୍ଧି ହେଉ। ଅଭିନେତ୍ରୀ ତାଙ୍କ ପ୍ରଶଂସକଙ୍କୁ କେବେ ବି ନିରାଶ କରନ୍ତି ନାହିଁ। ଚଳିତ ବର୍ଷ ମଧ୍ୟ ଏହି ପ୍ରସିଦ୍ଧ ରେଡ୍ କାର୍ପେଟରେ ଚାଲିବା ପାଇଁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ନିକଟରେ ଐଶ୍ୱର୍ଯ୍ୟା ତାଙ୍କ ଝିଅ ଆରାଧ୍ୟା ଏବଂ ସ୍ବାମୀ ଅଭିଷେକ ବଚ୍ଚନଙ୍କ ସହ ‘କାନ୍ସ’ରେ ପହଞ୍ଚିଥିଲେ।
ଏହି ସମୟରେ ବଲିଉଡ୍ର କିଛି ପୁରୁଣା ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯାହାକୁ ଦର୍ଶକମାନେ କାନ୍ସ ରେଡ୍ କାର୍ପେଟ ଲୁକ୍ ବୋଲି କହିଛନ୍ତି। ଭାଇରାଲ ହେଉଥିବା ଫଟୋଗୁଡ଼ିକରେ ଐଶ୍ୱର୍ଯ୍ୟା ଏକ ଗାଉନରେ ଖୁବ୍ ସୁନ୍ଦର ଦେଖାଯାଉଛନ୍ତି। ଭଲ ଭାବରେ ଯାଞ୍ଚ କରିବାରୁ ଭାଇରାଲ ହେଉଥିବା ଏହି ଫଟୋ ଐଶ୍ୱର୍ଯ୍ୟାଙ୍କ ରେଡ୍ କାର୍ପେଟ ଲୁକ ନୁହେଁ ବରଂ ଏକ ପତ୍ରିକା ପାଇଁ ଶୁଟ୍ କରିଥିବା ପୁରୁଣା ଫଟୋ ବୋଲି ଜଣାପଡ଼ିଛି।
