ମୁମ୍ବାଇ: ବଲିଉଡ୍ର ସୁନ୍ଦରୀ ନାୟିକାଙ୍କ କଥା ଯଦି ଆଲୋଚନାକୁ ଆସେ ତେବେ ପ୍ରଥମେ ସମସ୍ତଙ୍କ ନଜର ଆସେ ବିଶ୍ୱ ସୁନ୍ଦରୀ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଉପରକୁ । ଐଶ୍ୱର୍ଯ୍ୟା ଏବେ ୪୭ ବର୍ଷରେ ପଦାର୍ପଣ କରିଥିଲେ ବି ତାଙ୍କ ସୁନ୍ଦରତା ଓ ଫିଟନେସ୍ ଅନ୍ୟମାନଙ୍କଠାରୁ ଯଥେଷ୍ଟ ଅଧିକ । ଅଧିକାଂଶ ସେଲିବ୍ରିଟି ନିଜକୁ ଫିଟ୍ ରଖିବାକୁ ଜିମ୍ ଯାଉଥିବା ବେଳେ ଐଶ୍ୱର୍ଯ୍ୟା କିନ୍ତୁ ଜିମ୍ ଯିବାକୁ ପସନ୍ଦ କରନ୍ତି ନାହିଁ । ହେଲେ ସେ ତାଙ୍କ ଡାଏଟ ଉପରେ ଖୁବ୍ ଧ୍ୟାନ ଦିଅନ୍ତି । ଅଭିନେତ୍ରୀ ୪୫ ମିନିଟ୍ ପର୍ଯ୍ୟନ୍ତ ଘରେ ଜଗିଙ୍ଗ ଓ ବ୍ରିସ୍କ ୱାକ୍ କରନ୍ତି । ଏହାପରେ ଆରମ୍ଭ ହୁଏ ତାଙ୍କର ଯୋଗ ସେସନ୍ । ସପ୍ତାହକୁ ମାତ ୨ ଥର ସେ ଜିମ୍ ଯାଇଥାଆନ୍ତି । ସକାଳୁ ଉଠିଲେ ନୀଳନୟନା ଗୋଟିଏ ଗ୍ଲାସ ଉଷୁମ ପାଣି ମହୁ ଓ ଲେମ୍ବୁ ସହ ନିଅନ୍ତି । ସକାଳ ଜଳଖିଆରେ ସେ ପ୍ରୋଟିନ ଓ ଫାଇବର ଫୁଡସ୍ ନେଇଥାଆନ୍ତି । ଫାଷ୍ଟ ଫୁଡ, ଜଙ୍କ ଫୁଡ, ଡିପ୍ ଫ୍ରାଏଡ୍ ଫୁଡଠାରୁ ଦୂରେଇ ରହୁନ୍ତି ଐଶ । ହେଲେ ସେ ଛୋଟ ଛୋଟ ମିଲ୍ ନେଇଥାଆନ୍ତି । ନିଜକୁ ଫିଟ୍ ରଖିବା ପାଇଁ ସେ ଦିନସାରା ପାଣି ପିଉଥିବା ବେଳେ ଲଞ୍ଚରେ ସାଲଡ, ସିଝା ପରିବା ଖାଇବାକୁ ପସନ୍ଦ କରନ୍ତି । ସେହିପରି ଡିନରରେ ସିଝା ପରିବା ଖାଇବାକୁ ଭଲ ପାଆନ୍ତି ଓ ୮ ପୂର୍ବରୁ ସେ ଡିନର କରନ୍ତି ।