ବଲିଉଡର ଅନ୍ୟତମ ସୁନ୍ଦର ଅଭିନେତ୍ରୀ ଐଶ୍ୱର୍ଯ୍ୟା ରାୟ ନିଜ ଅଭିନୟ ମାଧ୍ୟମରେ ଦର୍ଶକଙ୍କ ହୃଦୟରେ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି। କୁହାଯାଏ ଯେ ଐଶ୍ୱର୍ଯ୍ୟା ତାଙ୍କ ବ୍ୟକ୍ତିଗତ ଜୀବନରେ ବହୁତ ସରଳ। ନିକଟରେ ସଙ୍ଗୀତକାର ତଥା ଗାୟକ ବିଶାଲ ଡଡଲାନି ମଧ୍ୟ ଏହାର ପ୍ରମାଣ ଦେଇଛନ୍ତି। ଐଶ୍ୱର୍ଯ୍ୟା କେବଳ ଗୋଟିଏ କିମ୍ବା ଦୁଇଜଣ ନୁହେଁ, ୩୦ ଜଣଙ୍କ ପାଇଁ ଖାଦ୍ୟ ପରିବେଷଣ କରିଥିଲେ। ରିଅଲିଟି ଶୋ ‘ସା ରେ ଗା ମା ପା’ର ଏକ ସ୍ବତନ୍ତ୍ର ଏପିସୋଡ ସମୟରେ ବିଶାଲ ଏହା କହିଛନ୍ତି।
ନିକଟରେ ଅଭିନେତା ଅଭିଷେକ ବଚ୍ଚନ ତାଙ୍କର ଆଗାମୀ ଚଳଚ୍ଚିତ୍ର ‘ବବ ବିଶ୍ୱାସ’ର ପ୍ରମୋଶନ ପାଇଁ ରିଅଲିଟି ଶୋ’ ସରେଗାମାପା’ରେ ଆସିଥିଲେ। ଅଭିନେତ୍ରୀ ଚିତ୍ରାଙ୍ଗଦା ସିଂ ମଧ୍ୟ ତାଙ୍କ ସହ ଥିଲେ। ଏହି ସମୟରେ ଶୋ’ର ହୋଷ୍ଟ ଆଦିତ୍ୟ ନାରାୟଣ ଅଭିଷେକଙ୍କୁ ଐଶ୍ୱର୍ଯ୍ୟା ଘରେ କାମ କରନ୍ତି କି ବୋଲି ପ୍ରଶ୍ନ କରିଥିଲେ? ଅଭିଷେକ କିଛି କହିବା ପୂର୍ବରୁ ବିଶାଲ ପ୍ରକାଶ କରିଛନ୍ତି ଯେ ମୁଁ ଐଶ୍ୱର୍ଯ୍ୟା ଏବଂ ଅମିତାଭ ବଚ୍ଚନଙ୍କ ସହ ଏକ ଭ୍ରମଣରେ ଯାଇଥିଲି। ସେହି ଭ୍ରମଣରେ ପ୍ରାୟ ୩୦ ଜଣ ଲୋକ ଥିଲେ। ଦିନେ ପୁରା ଟିମ ଅମିତାଭଙ୍କ ସହ ଖାଦ୍ୟ ଖାଇବାକୁ ଇଚ୍ଛା ପ୍ରକାଶ କଲେ। ଯେତେବେଳେ ସମସ୍ତେ ଖାଉଥିଲେ, ଏକ ଟିମ୍ ରାତ୍ରୀ ଭୋଜନ ପାଇଁ ସେଠାରେ ପହଞ୍ଚିଲେ। ସେହି ସମୟରେ, ୱେଟରମାନେ ଏକାସାଙ୍ଗରେ ଏତେ ସଂଖ୍ୟକ ଲୋକଙ୍କୁ ସେବା କରିବାରେ ସକ୍ଷମ ହୋଇ ନ ଥିଲେ। ଏଥିରେ ଐଶ୍ୱର୍ଯ୍ୟା ଆମ ସମସ୍ତଙ୍କୁ ଖାଦ୍ୟ ପରିବେଷଣ କରିଥିଲେ। ସବୁଠୁ ଖୁସିର କଥା ହେଉଛି ଐଶ୍ୱର୍ଯ୍ୟା ଖୁସି ସହକାରେ ଏହି କାମ କରିବାକୁ ଜିଦ୍ ଧରିଥିଲେ।