ସିଂଘମ ଷ୍ଟାର ଅଜୟ ଦେବଗନଙ୍କ ହିରୋଇନ୍ କାଜଲ ଅଗ୍ରଓ୍ବାଲ ଏବେ ପ୍ରେମରେ ପଡ଼ିଛନ୍ତି। ଖୁବ୍ଶୀଘ୍ର ସେ ବିବାହ ମଧ୍ୟ କରିବାକୁ ଯାଉଥିବା ଶୁଣିବାକୁ ମିଳୁଛି। ଏଥିପାଇଁ ବିବାହ ପ୍ରସ୍ତୁତି ମଧ୍ୟ ଜୋର୍ସୋର୍ରେ ଆରମ୍ଭ ହୋଇଯାଇଛି। ମୁମ୍ବାଇରେ କାଜଲ ବିବାହ କରିବେ ବୋଲି ଜଣାପଡ଼ିଛି। କରୋନା ଯୋଗୁ ଏହି ଉତ୍ସବରେ କମ୍ ଏବଂ ସ୍ବତନ୍ତ୍ର ଲୋକଙ୍କୁ ନିମନ୍ତ୍ରଣ କରାଯିବ।
କାଜଲ ଯାହାକୁ ବିବାହ କରିବାକୁ ଯାଉଛନ୍ତି ସେ ଜଣେ ବ୍ୟବସାୟୀ। ତାଙ୍କ ନାମ ଗୌତମ କିଚଲୁ। ସେମାନଙ୍କ ନିର୍ବନ୍ଧ ସରିଥିବା ମଧ୍ୟ କୁହାଯାଉଛି।
ପୂର୍ବରୁ ମଧ୍ୟ କାଜଲଙ୍କ ବିବାହକୁ ନେଇ ଚର୍ଚ୍ଚା ଜୋର୍ ଧରିଥିଲା। ସେତେବେଳେ ତାଙ୍କ ନାମକୁ ଟେନିସ ଖେଳାଳି ଲିଆଣ୍ଡର ପେସଙ୍କ ସହ ଯୋଡାଯାଇଥିଲା। ଏହା ମଧ୍ୟ ଭାଇରାଲ ହୋଇଥିଲା ଯେ, କାଜଲ ଶୀଘ୍ର ବିବାହ କରିବାକୁ ଯାଉଛନ୍ତି । ହେଲେ ପରେ ଏହା ସବୁ ଗୁଜବ ବୋଲି ଜଣାପଡ଼ିଥିଲା।