ମୁମ୍ବାଇ: ସୋସିଆଲ ମିଡିଆରେ ବଲିଉଡ୍ ସେଲିବ୍ରିଟିମାନଙ୍କ ପରି କିଛି ଲୋକଙ୍କ ଚେହେରା ମେଳ ଖାଉଥିବା ଦେଖିଥିବେ ନିଶ୍ଚିତ। ପୂର୍ବରୁ କରିସ୍ମା କପୁର, କରୀନା କପୁର, ରାଣୀ ମୁଖାର୍ଜୀ, କାଜଲ, ଶାହିଦ କପୁର, ଅମିତାଭ ବଚ୍ଚନଙ୍କ ଅବିକଳ ଚେହେରା ଭାଇରାଲ ହୋଇଥିବା ବି ଦେଖିଥିବେ। ଏବେ ଅଜୟ ଦେବଗନଙ୍କ ନକଲ ଚେହେରା ଭାଇରାଲ ହେବାରେ ଲାଗିଛି। ଯାହାକୁ ନେଇ ଅନେକ ଚର୍ଚ୍ଚା।
ଏହି ବ୍ୟକ୍ତିଙ୍କ ନାମ ହେଉଛି କୈଳାସ ଚୌହାନ। ଭିଡିଓରେ ଅଜୟ ଦେବଗନଙ୍କ ହେୟାର ଷ୍ଟାଇଲଠାରୁ ଆରମ୍ଭ କରି ଡ୍ରେସ ପର୍ଯ୍ୟନ୍ତ ସବୁକିଛି ମିଶିଯାଉଛି। ୯୦ ଦଶକର ଅଜୟ ଦେବଗନଙ୍କ ସହ କୈଳାସଙ୍କ ମେଳ ଖାଉଛି। ଭିଡିଓରେ ସେ ଅଜୟ ଦେବଗନଙ୍କ ଗୀତ ‘କିତ୍ନା ହସିନ ଚେହେରା’ରେ ଅଭିନୟ କରୁଥିବା ନଜର ଆସିଛନ୍ତି।
ଭିଡିଓ ଦେଖିବା ପରେ ଜଣେ ୟୁଜର ଲେଖିଛନ୍ତି, ଏହି ଚେହେରା ଦେଖି କାଜଲ ମା’ ଦ୍ୱନ୍ଦ୍ୱରେ ପଡ଼ିବେ। ଅନ୍ୟ ଜଣେ ଲେଖିଛନ୍ତି, ତୁମେ ଠିକ୍ ଅଜୟ ଦେବଗନ ପରି ଦେଖାଯାଉଛ। ସେହିପରି ଆଉ ଜଣେ ୟୁଜର ଲେଖିଛନ୍ତି, ଏକଦମ ବିଜୟପଥର ‘ଅଜୟ ଦେବଗନ’ ଭାଇ ପରି ମନେହୁଏ।