ମେଲବୋର୍ନ,୨୮।୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ମେଲବୋନର୍ର୍ କ୍ରିକେଟ ଗ୍ରାଉଣ୍ଡରେ (ଏମସିଜି) ଖେଳାଯାଉଥିବା ବକ୍ସିଂ ଡେ ଟେଷ୍ଟର ତୃତୀୟ ଦିନରେ ଅଧିନାୟକ ଅଜିଙ୍କ୍ୟ ରାହାନେ ୧୨୨ ରନ୍ରେ ରନ୍ଆଉଟ୍ ହୋଇଛନ୍ତି। ଉଇକେଟ କିପର ଟିମ ପେନ୍ ଏବଂ ମାର୍ନସ ଲାବୁସାଗ୍ନେ ରାହାନେଙ୍କୁ ଆଉଟ୍ କରିଥିଲେ। ଟେଷ୍ଟ କ୍ୟାରିୟରରେ ରାହାନେ ପ୍ରଥମ ଥର ରନ୍ଆଉଟ ହୋଇଛନ୍ତି। ଗୋଟିଏ ସିଙ୍ଗଲ ନେବା ଚକ୍କରରେ ସେ ଆଉଟ ହୋଇଥିଲେ।
ବକ୍ସିଂ ଡେ ଟେଷ୍ଟର ଦ୍ୱିତୀୟ ଦିନରେ ଅଜିଙ୍କ୍ୟ ରାହାଣେ ବ୍ୟାଟିଂ ଆରମ୍ଭ କରିଥିଲେ। ଦ୍ୱିତୀୟ ଦିନର ଖେଳ ଶେଷ ହେବା ବେଳକୁ ସେ ୧୦୪ ରନ ଖେଳୁଥିଲେ। ମ୍ୟାଚର ତୃତୀୟ ଦିନରେ ପୂର୍ବ ଦିନ ସ୍କୋରରେ ୮ରନ ଯୋଡିବା ପରେ ସେ ପାଭିଲିୟନକୁ ଫେରିଥିଲେ। ଅଜିଙ୍କ୍ୟା ଏମସିଜିରେ ୧୧୨ ରନ୍ର ଚମତ୍କାର ଇନିଂସ ଖେଳି ୨୨୩ ବଲରେ ୧୨ ଚୌକା ସହ ଅନେକ ରେକର୍ଡ ସୃଷ୍ଟି କରିଥିଲେ। ଏହି ସମୟରେ ରାହାନେଙ୍କ ଷ୍ଟ୍ରାଇକ ହାର ୫୦.୨୨ ଥିଲା। ତେବେ ଅନେକ ଉତ୍କୃଷ୍ଟ ରେକର୍ଡ ସହିତ ଟେଷ୍ଟ କ୍ରିକେଟ ରେ ରନ ଆଉଟ ହେବାର ଅବାଞ୍ଛିତ ରେକର୍ଡରେ ତାଙ୍କ ନାମ ଯୋଡି ହୋଇଥିଲା।
୩୨ ବର୍ଷୀୟ ଅଜିଙ୍କ୍ୟ ରାହାଣେ ତାଙ୍କ ଟେଷ୍ଟ କ୍ୟାରିୟରରେ ୬୬ଟି ମ୍ୟାଚ ଖେଳିଛନ୍ତି। ସେ ହାରାହାରି ୪୨.୪୫ ରେ ୧୧୧ ଇନିଂସରେ ୪୨୪୫ ରନ କରିଛନ୍ତି। ରାହାନେ ତାଙ୍କ ଟେଷ୍ଟ କ୍ୟାରିୟରରେ ୧୧ ଶତକ ଏବଂ ୨୨ ଅର୍ଦ୍ଧଶତକ ହାସଲ କରିଛନ୍ତି ।ଏହି ସମୟ ମଧ୍ୟରେ ତାଙ୍କର ସର୍ବାଧିକ ସ୍କୋର ୧୮୮ ରନ ହୋଇଛି।