ନୂଆଦିଲ୍ଲୀ,୨୧।୧: ଅଷ୍ଟ୍ରେଲିଆରେ ଘରୋଇ କ୍ରିକେଟ୍ ଟିମ୍କୁ ହରାଇ ବର୍ଡର-ଗାଭାସ୍କର ଟ୍ରଫି ହାତେଇବାରେ ସଫଳ ହୋଇଥିଲା ଭାରତ। ଅଧିନାୟକ ବିରାଟ କୋହଲି, ମହମ୍ମଦ ଶାମୀ, ଜସପ୍ରିତ ବୁମ୍ରାଙ୍କ ଭଳି ଦିଗ୍ଗଜ ଖେଳାଳିଙ୍କ ଅନୁପସ୍ଥିତି ସତ୍ତ୍ୱେ ଦଳ ଇତିହାସ ରଚିଥିଲା। କାମଚଳା ଅଧିନାୟକ ଅଜିଙ୍କ୍ୟ ରାହାନେଙ୍କ ଶାନ୍ତ ସ୍ବଭାବ ଖେଳାଳିଙ୍କ ନିଷ୍ଠା ବଢ଼ାଇଥିଲା। ରାହାଣେ ମଧ୍ୟ ବେଶ୍ ଭଲ ଭାବେ ଅଧିନାୟକ ଦାୟିତ୍ୱ ତୁଲାଇ ପ୍ରଥମ ଟେଷ୍ଟ ପରାଜୟର ପ୍ରତିଶୋଧ ନେଇଥିଲେ। ଏହାକୁ ନେଇ ସବୁଆଡେ ତାଙ୍କର ପ୍ରଶଂସା କରାଯାଉଛି। ସିରିଜ ଜିତିବା ପରେ ସେ ଘରକୁ ଫେରିବା ପରେ ପାରମ୍ପରିକ ମରାଠି ବାଦ୍ୟ ସହ ତାଙ୍କର ସ୍ବାଗତ କରାଯାଇଛି। ସେ ରହୁଥିବା ସୋସାଇଟିର ଲୋକମାନେ ଢୋଲମହୁରୀ ସହ ଜିତ୍କୁ ନେଇ ଖୁସିବ୍ୟକ୍ତ କରିଛନ୍ତି।
ଏହାଛଡ଼ା ରାହାନେଙ୍କ ଉପଲବ୍ଧି ଲେଖାଯାଇଥିବା ଏକ ବ୍ୟାନର ଲଗାଯାଇଥିଲା। ସେଥିରେ ୫,୪,୩,୨,୧,୦ ରହିଥିଲା। ଏହାର ଅର୍ଥ ରାହାଣେ ଏଯାବତ ୫ ଟେଷ୍ଟ ମ୍ୟାଚ୍ରେ ଅଧିନାୟକ ସାଜିଥିବା ବେଳେ ୪ରେ ବିଜେତା ହୋଇଛନ୍ତି। ସେଥିରୁ ୩ଟି ଅଷ୍ଟ୍ରେଲିଆ ବିପକ୍ଷରେ ରହିଛି। ସେ ଭାରତକୁ ୨ଟି ସିରିଜରେ ଜିତାଇଛନ୍ତି। ଗୋଟିଏ ମ୍ୟାଚ୍ ଡ୍ର ରହିଛି। ମୋଟାମୋଟି ତାଙ୍କ ଅଧିନାୟକତ୍ୱରେ ଭାରତୀୟ ଟିମ୍ ଗୋଟିଏ ବି ମ୍ୟାଚ୍ରେ ହାରିନାହିଁ।
India’s series winning captian Ajinkya Rahane receiving a grand welcome as he returns back home in Mumbai. #INDvAUS #AUSvIND pic.twitter.com/bc22dizSYL
— Gav Joshi (@Gampa_cricket) January 21, 2021
