ନୂଆଦିଲ୍ଲୀ,୨୦।୭:ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ବାମୀ ତଥା ବ୍ୟବସାୟୀ ରାଜ କୁନ୍ଦ୍ରାଙ୍କୁ ଅଶ୍ଳୀଳ ଚଳଚ୍ଚିତ୍ର ନିର୍ମାଣ ଏବଂ କିଛି ଆପ ମାଧ୍ୟମରେ ପ୍ରକାଶନ ଅଭିଯୋଗରେ ମୁମ୍ବାଇ ପୋଲିସର କ୍ରାଇମ ଶାଖା ଗିରଫ କରିଛି। ରାଜ କୁନ୍ଦ୍ରା ଗିରଫ ହେବା ପରେ ଭାରତୀୟ କ୍ରିକେଟର ଅଜିଙ୍କେ ରାହାନେ ଟ୍ରୋଲରଙ୍କ ଟାର୍ଗେଟରେ ଆସିଛନ୍ତି। ରାହାନେ ଅକ୍ଟୋବର ୧୯, ୨୦୧୨ରେ ଏକ ଟୁଇଟ୍ କରି ରାଜ କୁନ୍ଦ୍ରାଙ୍କୁ ଟ୍ୟାଗ କରିଥିଲେ ଯେ ସାର୍ ଆପଣ ଏକ ଭଲ କାମ କରୁଛନ୍ତି। ଏହାର ଜବାବରେ ରାଜ ତାଙ୍କୁ ଧନ୍ୟବାଦ ଜଣାଇବା ସହ ତୁମେ ନିଶ୍ଚୟ ଆସି ଏହାକୁ ଲାଇଭ ଦେଖିବା ଉଚିତ୍ ବୋଲି କହିଥିଲେ। ସେ କିଛି କାମ ପାଇଁ କୁନ୍ଦ୍ରାଙ୍କୁ ପ୍ରଶଂସା କରିଥିଲେ। ସେତେବେଳେ କୁନ୍ଦ୍ରା ଆଇପିଏଲ ଫ୍ରାଞ୍ଚାଇଜ ରାଜସ୍ଥାନ ରୟାଲ୍ସର ସହ-ମାଲିକ ଥିଲେ। ଏବେ ରାଜ ଅଶ୍ଳୀଳ ଚଳଚ୍ଚିତ୍ର ନିର୍ମାଣ ମାମଲାରେ ଗିରଫ ହେବା ପରେ ରାହାନେଙ୍କ ଟୁଇଟ୍ ଭାଇରାଲ ହୋଇଛି।
ଚଳିତ ବର୍ଷ ଫେବୃଆରୀରେ କୁନ୍ଦ୍ରାଙ୍କ ବିରୋଧରେ ଅଶ୍ଳୀଳ ଭିଡିଓ ରେକର୍ଡିଂ କରି ସୋସିଆଲ ମିଡିଆରେ ପୋଷ୍ଟ କରିଥିବା ଅଭିଯୋଗ ହୋଇଥିଲା।