ନୂଆଦିଲ୍ଲୀ,୨।୯: ଅଜିତ ପାୱାରଙ୍କ ଦଳ ଏନସିପି ଜମ୍ମୁ କଶ୍ମୀର ବିଧାନସଭା ନିର୍ବାଚନ ପାଇଁ ଏହାର ପ୍ରାର୍ଥୀଙ୍କ ଆଉ ଏକ ତାଲିକା ପ୍ରକାଶ କରିଛି। ଏହି ତାଲିକାରେ ଦଳ ୧୬ ଜଣ ପ୍ରାର୍ଥୀ ଦେଇଛନ୍ତି। ଏନସିପି ଭାଜପାଠାରୁ ପୃଥକ ଭାବରେ ଏଠାରେ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛି। ତେବେ ମହାରାଷ୍ଟ୍ରରେ ଉଭୟ ଦଳ ଏକାଠି ନିର୍ବାଚନ ଲଢୁଛନ୍ତି।
ଏହା ପୂର୍ବରୁ ଦଳ ଏହାର ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ କରିଛି। ବର୍ତ୍ତମାନ ଦଳ ଜମ୍ମୁ କଶ୍ମୀର ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟ ପାଇଁ ନିଜର ପ୍ରାର୍ଥୀ ତାଲିକା ପ୍ରକାଶ କରିଛି। ଗତ ମାସରେ ଏନସିପି ପ୍ରଥମ ପର୍ଯ୍ୟାୟ ପ୍ରାର୍ଥୀଙ୍କ ତାଲିକା ପ୍ରକାଶ କରିଥିଲା।
ଜମ୍ମୁ କଶ୍ମୀରରେ ଏନଡିଏର ଏକ ଅଂଶ ଥିବା ଏନସିପି ଭାଜପାଠାରୁ ଅଲଗା ଲଢିିବାକୁ ନିଷ୍ପତ୍ତି ନେଇଛି। ଭାଜପା ମଧ୍ୟ ଏଠାରେ ନିଜର ପ୍ରାର୍ଥୀମାନଙ୍କୁ ଫିଲ୍ଡିଂ କରିବ। ଏନସିପି ପ୍ରାର୍ଥୀଙ୍କ କାରଣରୁ ଭାଜପାର ଭୋଟ ଭଙ୍ଗ ହୋଇପାରେ, ଯାହା ଭାଜପା ପାଇଁ ଚିନ୍ତାର ବିଷୟ।