ନୂଆଦିଲ୍ଲୀ,୧୦।୧୧: ମହାରାଷ୍ଟ୍ରର ଉପ-ମୁଖ୍ୟମନ୍ତ୍ରୀ ଅଜିତ ପାୱାର ଶୁକ୍ରବାର ରାଷ୍ଟ୍ରବାଦୀ କଂଗ୍ରେସ ମୁଖ୍ୟ ଶରଦ ପାୱାରଙ୍କୁ ଭେଟିଛନ୍ତି। ଏହା ପରେ ଅଜିତ ତୁରନ୍ତ ଦିଲ୍ଲୀରେ ଯାଇ ପହଞ୍ଚିଛନ୍ତି। ଏଠାରେ ସେ ଗୃହମନ୍ତ୍ରୀ ଅମିତ ଶାହାଙ୍କୁ ଭେଟି ପାରନ୍ତି। ଦୁଇ ନେତାଙ୍କ ସାକ୍ଷାତ ଏପରି ସମୟରେ ହେଉଛି, ଯେଉଁ ସମୟରେ ଦିଲ୍ଲୀରେ ଅଜିତ ପାୱାର ଗୋଷ୍ଠୀଙ୍କ ବୈଠକ ହେବାର ସମ୍ଭାବନା ରହିଛି। ଏହାବାଦ ଶରଦଙ୍କ ସହିତ ସାକ୍ଷାତ କରି ଦିଲ୍ଲୀ ଯାଇ ଶାହାଙ୍କୁ ଭେଟିବା ଖବର ଅନେକ ଚର୍ଚ୍ଚା ସୃଷ୍ଟି।
ତେବେ ସମସ୍ତ ଚର୍ଚ୍ଚାକୁ ଖଣ୍ଡନ କରି ଶରଦ ପାୱାରଙ୍କ ଭଉଣୀ କହିଛନ୍ତି ଯେ, ଏହି ସାକ୍ଷାତ ସମ୍ପୂର୍ଣ୍ଣ ପାରିବାରିକ ଥିଲା। ଜନ୍ମଦିନ ଅବସରରେ ଶରଦ ପାୱାର ଏବଂ ଅଜିତ ପାୱାରଙ୍କ ଭେଟ ପ୍ରତାପରାଓ ପାୱାରଙ୍କ ଘରେ ହୋଇଥିଲା। ଏହା ସହିତ ସେ କହିଛନ୍ତି ‘ଆମେ ଯେବେ ଦେଖା ହେଉ ଜଣେ ଆଉ ଜଣଙ୍କର ପରିହାସ କରିଥାଉ, ଆମେ ବହୁତ ଖୁସି କାରଣ ସମସ୍ତେ ବହୁତ ଦିନ ପରେ ଭେଟ ହୋଇଛନ୍ତି।’
ଅନ୍ୟପଟେ ଏହି ଭେଟଘାଟକୁ ନେଇ ଶରଦ ପାୱାରଙ୍କ ଗୋଷ୍ଠୀ ପକ୍ଷରୁ ମଧ୍ୟ ପ୍ରତିକ୍ରିୟା ଆସିଛି। ଜୟନ୍ତ ପାଟିଲ କହିଛନ୍ତି ଯେ, ଦୁଇନେତାଙ୍କ ସାକ୍ଷାତ ପାରିବାରିକ ଥିବାରୁ ସେ କିଛି କହିପାରିବେ ନାହିଁ।
କଣ ଚର୍ଚ୍ଚା ହୋଇପାରେ ?
ବର୍ତମାନ ମହାରାଷ୍ଟ୍ରର ସବୁଠୁ ବଡ଼ ବିଷୟ ହେଉଛି ମରାଠା ସଂରକ୍ଷଣ ମାମଲା। ଦୁଇ ନେତାଙ୍କ ମଧ୍ୟରେ ଏହି ବିଷୟ ଉପରେ ଆଲୋଚନା ହୋଇପାରେ। କାରଣ ଦିନକୁ ଦିନ ରାଜ୍ୟରେ ଏହାକୁନେଇ ଆନ୍ଦୋଳନ ବଢ଼ିବାରେ ଲାଗିଛି।