ନୂଆଦିଲ୍ଲୀ,୨୧।୨: ପୁଣିଥରେ ବାପା ହୋଇଛନ୍ତି ଭାରତୀୟ କ୍ରିକେଟ ଟିମ୍ର ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି। ପତ୍ନୀ ତଥା ଅଭିନେତ୍ରୀ ଅନୁଷ୍କା ଶର୍ମା ପୁତ୍ର ସନ୍ତାନକୁ ଜନ୍ମ ଦେଇଛନ୍ତି। ଏନେଇ ବିରାଟ ଇନଷ୍ଟାଗ୍ରାମରେ ପୋଷ୍ଟ କରି ସୂଚନା ଦେଇଥିଲେ। ଏପରିକି ସେ ପୁଅଙ୍କ ନାମ ଅକାୟ ରଖିଥିବା କହିଥିଲେ। ପୋଷ୍ଟଟି ଭାଇରାଲ ହେବା ପରେ ଇନଷ୍ଟାଗ୍ରାମରେ ଶହ ଶହ ସଂଖ୍ୟାରେ akaay.kohliଙ୍କ ନାମରେ ଫେକ୍ ଆକାଉଣ୍ଟ ଖୋଲିଛି। ଏପରିକି କିଛି ସମୟ ପରଠାରୁ #akaaykohli ଟ୍ରେଣ୍ଡ କରୁଛି।
‘ଅକାୟ’ ନାମ ସଂସ୍କୃତ ଭାଷାରୁ ନିଆଯାଇଛି। ଏହାର ଅର୍ଥ ହେଉଛି-କେବେ ନଷ୍ଟ ହେଉ ନ ଥିବା। ତୁର୍କିରେ ଏହାର ଅର୍ଥ ‘ଜହ୍ନର ଜ୍ୟୋତ୍ସ୍ନା’।
କହିବାକୁ ଚାହିଁବୁ ଏଯାବତ ବିରାଟ-ଅନୁଷ୍କାଙ୍କ ପକ୍ଷରୁ ପୁଅଙ୍କର କୌଣସି ଆକାଉଣ୍ଟ ଖୋଲାଯାଇନାହିଁ। ଫେକ୍ ଆଇଡି ଗୁଡିକରେ କେବଳ ଦୁହିଁଙ୍କ ଫଟୋ ଲଗାଯାଇଛି।