ଭୁବନେଶ୍ୱର,୨୩ା୪(ବ୍ୟୁରୋ): ଧରାପଡ଼ିଛନ୍ତି ଆଉ ଜଣେ ରସିକିଆ ଡାକ୍ତର। ଏକେ କିନ୍ତୁ ନକଲି ନୁହେଁ, ଅସଲି ଡାକ୍ତର ଧରା ପଡ଼ିଛନ୍ତି। ଏହି ଡାକ୍ତର ଜଣକ ୪ ଜଣ ମହିଳାଙ୍କୁ ବିବାହ କରିଥିବା ଅଭିଯୋଗ ହୋଇଛି।
ଏହି ଅଭିଯୋଗରେ କଟକ ବଡ଼ ମେଡିକାଲର ଡାକ୍ତର ଆଶିଷ ପଟ୍ଟନାୟକଙ୍କୁ ପୋଲିସ ଗିରଫ କରିଛି। ଏନେଇ ଜଣେ ମହିଳା ଭୁବନେଶ୍ୱର ମହିଳା ଥାନାର ଦ୍ୱାରସ୍ଥ ହୋଇ ଆଶିଷଙ୍କ ନାଁରେ ଏକାଧିକ ବିବାହ ଓ ପ୍ରତାରଣା ଅଭିଯୋଗ ଆଣିଥିଲେ।
ଅଭିଯୋଗକୁ ଆଧାର କରି ମହିଳା ଥାନା ପୋଲିସ ଆଶିଷଙ୍କୁ ଗିରଫ କରିଛି। ଏବେ ସୁଦ୍ଧା ଆଶିଷ ୪ଜଣଙ୍କୁ ବିବାହ କରିଥିବା ଅଭିଯୋଗ ହୋଇଛି। ଏକାଧିକ ବିବାହ ଓ ଠକେଇ ଅଭିଯୋଗ ପରେ ପାହାଳ ନିକଟରୁ ଆଶିଷଙ୍କୁ ଗିରଫ କରାଯାଇଥିବା ସୂଚନାରୁ ଜଣାପଡ଼ିଛି।