ଲକ୍ଷ୍ନୌ,୧୯ ।୨: ଉତ୍ତର ପ୍ରଦେଶରେ ରାଜନୀତିର ପାରା ବେଳକୁ ବେଳ ଉପରକୁ ଯିବାରେ ଲାଗିଛି । ରାଜ୍ୟର ବିଧାନସଭା ନିର୍ବାଚନ ଲାଗି ୧୧୩ ଆସନ ପାଇଁ ମତଦାନ ଶେଷ ହୋଇଥିବା ବେଳେ ଏବେ ଲକ୍ଷ୍ୟ ତୃତୀୟ ପର୍ଯ୍ୟାୟ ଭୋଟ ଗ୍ରହଣ ଉପରେ । ଏଥିପାଇଁ ଶୁକ୍ରବାର ପ୍ରଚାର ଶେଷ ହୋଇଥିବା ବେଳେ ରବିବାର ତୃତୀୟ ପର୍ଯ୍ୟାୟ ଭୋଟ ଗ୍ରହଣ କରାଯିବ । ଏହାର ଠିକ୍ ପୂର୍ବରୁ ଅଖିଳେଶ ଯାଦବଙ୍କ ସମାଜବାଦୀ ପାର୍ଟି ପକ୍ଷରୁ ସମସ୍ତ ଜିଲା ଓ ମହାନଗର ଅଧ୍ୟକ୍ଷଙ୍କୁ ଚିଠି ଲେଖାଯାଇଛି । ଏଥିରେ ଇଭିଏମର ସୁରକ୍ଷା କଥା ଉଲ୍ଲେଖ କରାଯାଇଛି । ଦଳ ପକ୍ଷରୁ କର୍ମୀଙ୍କୁ ନିର୍ଦ୍ଦେଶ ଦିଆଯାଇଛି କି ଭୋଟ ଗ୍ରହଣ ଶେଷ ହେବା ପରେ ଇଭିଏମ୍ର ପିଛା କର । ପ୍ରାର୍ଥୀଙ୍କ ସମର୍ଥକ ଓ କର୍ମୀଙ୍କ ଏକ ଦଳ ବୁଥରୁ ଇଭିଏମ ରଖାଯାଇଥିବା ଗାଡିର ପିଛା କରି ଇଭିଏମ ପର୍ଯ୍ୟନ୍ତ ଯିବା ଦରକାର । ଏହାସହ ଜିଲା ନିର୍ବାଚନ ଅଧିକାରୀଙ୍କ ଅନୁମତି କ୍ରମେ ଗଠିତ ଦଳୀୟ କର୍ମୀଙ୍କ ଟିମ୍ ୧୦ ମାର୍ଚ୍ଚ ୨୦୨୨ ପର୍ଯ୍ୟନ୍ତ ଅର୍ଥାତ୍ ମତଗଣନା ପର୍ଯ୍ୟନ୍ତ ଷ୍ଟ୍ରଙ୍ଗ ରୁମ ଉପରେ ନଜର ରଖିବା ଜରୁରୀ ବୋଲି ଚିଠିରେ ଉଲ୍ଲେଖ କରିଛି ସମାଜବାଦୀ ପାର୍ଟି ।