ଲକ୍ଷ୍ନୌ, ୭।୬: ଉତ୍ତରପ୍ରଦେଶରେ ସମାଜବାଦୀ ପାର୍ଟି ଲୋକ ସଭା ନିର୍ବାଚନ ପାଇଁ ପ୍ରସ୍ତୁତି କାର୍ଯ୍ୟ ଆରମ୍ଭ କରିଦେଇଛି। ବୁଥ ସ୍ତର ପର୍ଯ୍ୟନ୍ତ ଦଳକୁ ମଜବୁତ କରିବା ପାଇଁ ଏସପିର ପ୍ରଶିକ୍ଷଣ ଶିବିର ଚାଲିଛି, ଯେଉଁଥିରେ ବୁଥ ମ୍ୟାନେଜମେଣ୍ଟ ଠାରୁ ଆରମ୍ଭ କରି ଦଳକୁ ମଜବୁତ କରିବା ପର୍ଯ୍ୟନ୍ତ ସୂଚନା ଦିଆଯାଉଛି। ସେପଟେ ଏସପି ଜାତୀୟ ସଭାପତି ଅଖିଳେଶ ଯାଦବ ଭାଜପା ଉପରେ ଜୋରଦାର ଆକ୍ରମଣ କରିଛନ୍ତି। ଭାଜପାକୁ ଗଣତନ୍ତ୍ର ଏବଂ ସମ୍ବିଧାନକୁ ହତ୍ୟା କରିଥିବା ଦଳ ବୋଲି କହିଛନ୍ତି। ସେ କହିଛନ୍ତି ଭାଜପା ସମ୍ବିଧାନ ପ୍ରତି ଗୁରୁତ୍ୱ ଦେଉନାହିଁ।
ଅଖିଳେଶ କହିଛନ୍ତି, ଭାଜପା ଗଣତନ୍ତ୍ର ଏବଂ ସମ୍ବିଧାନକୁ ହତ୍ୟା କରିଛି। ସେମାନେ ଗଣତନ୍ତ୍ର ବିଷୟରେ ଚିନ୍ତା କରନ୍ତି ନାହିଁ । ଯଦି କୌଣସି ସମ୍ବିଧାନ ନାହିଁ ତେବେ ଲୋକମାନେ କିପରି ନ୍ୟାୟ ପାଇବେ। ସରକାର ପ୍ରତ୍ୟେକ ସୀମା ଅତିକ୍ରମ କରିଛନ୍ତି। ପ୍ରଶାସନ ଆଇନ ସମସ୍ତଙ୍କ ସହିତ ଅଛି । ଏମ୍ପିମାନେ କିଛି କରିଲେବି, କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ।
ଏସପି ସଭାପତି କହିଛନ୍ତି, ଭାଜପାର ଏହି ମନୋଭାବ ଯୋଗୁଁ ଲୋକଙ୍କ ଜାଗରଣ କାର୍ଯ୍ୟକ୍ରମର ଆବଶ୍ୟକତା ଉପୁଜିଛି। ସେ କହିଛନ୍ତି ଯେ, ଲୋକ ଜଗରଣ ଅଭିଯାନ ଅଧୀନରେ ଜିଲା ତଥା ଲୋକ ସଭା ନିର୍ବାଚନମଣ୍ଡଳୀରେ କ୍ରମାଗତ କାର୍ଯ୍ୟକ୍ରମ ଅନୁଷ୍ଠିତ ହେବ। ଲୋକଙ୍କୁ ଆଗାମୀ ସମୟର ଆହ୍ବାନ ବିଷୟରେ ଅବଗତ କରାଯିବ। ସମାଜବାଦୀ ପାର୍ଟି କର୍ମୀମାନେ ଲୋକଙ୍କୁ ଭେଟିବେ। ଆମେ ଆମର ସଂଗଠନ ପ୍ରସ୍ତୁତ କରିବୁ। ଯେଉଁଠାରେ ସମାଜବାଦି ପାର୍ଟି ଦୁର୍ବଳ, ସେଠାରେ ଲୋକଙ୍କୁ ସାମିଲ କରାଯିବ। ଏହି ଅଭିଯାନ ମାଧ୍ୟମରେ ଏହାର କାର୍ଯ୍ୟକ୍ରମ ଏବଂ ନୀତି ଜନସାଧାରଣଙ୍କ ନିକଟକୁ ନିଆଯିବ। ଅଖିଳେଶ ଯାଦବ ଆଜି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ସହ ସାକ୍ଷାତ ହେବାର କାର୍ଯ୍ୟକ୍ରମ ରହିଛି। ଏହାକୁ ନେଇ ଅଖିଳେଶ କହିଛନ୍ତି, ଦିଲ୍ଲୀର ଅନେକ ପ୍ରଶ୍ନ ଅଛି। ସେମାନଙ୍କର ଅଧିକାରକୁ ତାଙ୍କ ପାଖରୁ ନିଆଯାଉଛି। ଏହି ବିଷୟରେ ଆଜି ଏକ ବୈଠକହେବ। କଣ ହେବ ବର୍ତ୍ତମାନ କହିବା କଷ୍ଟକର।