ଲକ୍ଷ୍ନୌ,୧୪।୧୦: ଉତ୍ତରପ୍ରଦେଶରେ ୨୦୨୨ରେ ବିଧାନସଭା ନିର୍ବାଚନ ହେବାକୁ ଯାଉଛି। ସମାଜବାଦୀ ପାର୍ଟି (ଏସ୍ପି) ପକ୍ଷରୁ ଅଖିଳେଶ ଯାଦବ କହିଛନ୍ତି ଯେ, ରାଜ୍ୟର ଭାଜପା ନେତୃତ୍ୱାଧୀନ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସରକାର ଦୁର୍ନୀତିରେ ବୁଡ଼ି ରହିଛନ୍ତି। ଚାଷୀଙ୍କ ପ୍ରତି ତାଙ୍କର ଦରଦ ନାହିଁ।
ଆସନ୍ତା ନିର୍ବାଚନରେ ଭାଜପା ସରକାରଙ୍କ ପତନ ନିଶ୍ଚିତ। ନିର୍ବାଚନରେ ସମାଜବାଦୀ ପାର୍ଟି ରାଜ୍ୟର ୪୦୩ ବିଧାନସଭା ଆସନରୁ ୪୦୦ ହାତେଇବ ବୋଲି ସେ କହିଛନ୍ତି। ତାଙ୍କ ଦଳର ନିର୍ବାଚନ ଚିହ୍ନ ସାଇକେଲ ଏହି ସଫଳତା ହାସଲ କରିବାକୁ ଯାଉଥିବା ସେ ଦୃଢ଼ୋକ୍ତି ପ୍ରକାଶ କରିଛନ୍ତି।
ସୂଚନାଯୋଗ୍ୟ,୨୦୧୭ ବିଧାନସଭା ନିର୍ବାଚନରେ ରାଜ୍ୟରେ ଭାଜପା ଖାତାକୁ ୩୧୨ ଆସନ ଯାଇଥିଲା। ସେହିପରି ସମାଜବାଦୀ ପାର୍ଟି ୪୭ ଆସନ, ବହୁଜନ ସମାଜବାଦୀ ପାର୍ଟି ୧୯, କଂଗ୍ରେସ ୭ଟି ଆସନରେ ବିଜୟ ହାସଲ କରିଥିଲେ।